ភ្នំពេញ៖ បុរសជនជាតិខ្មែរ ៣នាក់ ត្រូវបានសមត្ថកិច្ចឃាត់ខ្លួន និងបញ្ជូនទៅតុលាការរាជធានីភ្នំពេញនៅរសៀលថ្ងៃនេះ ពាក់ព័ន្ធការរក្សាទុកសារធាតុញៀន និងប្រើប្រាស់អាវុធខុសច្បាប់។
បុរសជនជាតិខ្មែរទាំង ៣នាក់ ដែលត្រូវបានសមត្ថកិច្ចឃាត់ខ្លួនបញ្ជូនទៅតុលាការ មានឈ្មោះ ស៊ឹម ចិត្រា អាយុ ៣៨ឆ្នាំ ឈ្មោះ អ៊ឹម សុវិចិត្រ អាយុ ៣៥ឆ្នាំ និងឈ្មោះ ខាត់ ឧត្ដម អាយុ ២៨ឆ្នាំ។
នគរបាលសង្កាត់ក្បាលកោះ ខណ្ឌច្បារអំពៅ បានឱ្យដឹងថា បុរសជនជាតិខ្មែរទាំង ៣នាក់នេះ ត្រូវបានសមត្ថកិច្ចបានឃាត់ខ្លួនកាលពីរសៀលថ្ងៃសៅរ៍សប្ដាហ៍មុន នៅក្នុងប្រតិបត្តិការបង្ក្រាបគ្រឿងញៀនមួយនៅភូមិជ្រោយអំពិល ស្ថិតក្នុងសង្កាត់ក្បាលកោះ។
ក្រៅពីឃាត់ខ្លួនមនុស្សទាំង ៣នាក់ សមត្ថកិច្ចក៏រឹបអូសបានគ្រឿងញៀន ១១កញ្ចប់តូច អាវុធខ្លី ១ដើម រួមជាមួយបង់កាំភ្លើងមួយ និងគ្រាប់ ២គ្រាប់ផងដែរ។
បុរសទាំង ៣នាក់ ត្រូវបានសមត្ថកិច្ចបញ្ជូនទៅឱ្យតំណាងអយ្យការស៊ើបសួរហើយរហូតមកដល់ពេលនេះ ជុំវិញបទល្មើសគ្រឿងញៀន និងការកាន់កាប់អាវុធដោយខុសច្បាប់៕ អត្ថបទ៖ កុម្ភះ
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
