អ្នកនាំពាក្យសេតវិមានអ្នកស្រី Karoline Leavitt បានប្រាប់អ្នកសារព័ត៌មានថា ជំហររបស់ប្រធានាធិបតីអាមេរិកលោក ដូណាល់ ត្រាំ គឺថា អឺរ៉ុបចាំបាច់ត្រូវធ្វើបន្ថែមទៀត ដើម្បីសម្រេចបាននូវការដោះស្រាយជម្លោះអ៊ុយក្រែន។

អ្នកនាំពាក្យរូបនេះ បាននិយាយថា ប្រធានាធិបតីអាមេរិក លោក ដូណាល់ ត្រាំ តែងតែអះអាងថា អឺរ៉ុបតែងតែត្រូវធ្វើបន្ថែមទៀត ថាតើវាស្ថិតនៅក្នុងកិច្ចខិតខំប្រឹងប្រែង ដើម្បីបញ្ចប់សង្រ្គាមនេះ នៅក្នុងប្រទេសរុស្ស៊ី និងអ៊ុយក្រែន ថាតើវាទាក់ទងនឹងការចំណាយរបស់ពួកគេ នៅពេលនិយាយអំពីអង្គការណាតូ និងការចំណាយលើវិស័យការពារជាតិរបស់ពួកគេផងដែរ»។ អ្នកស្រី Leavitt បានសង្កត់ធ្ងន់ដោយសំដៅទៅលើលោក ត្រាំ និងសមភាគីសហភាពអឺរ៉ុបរបស់លោកថា លោកបាននិយាយយ៉ាងច្បាស់ដល់ពួកគេទាំងលក្ខណៈឯកជន និងជាសាធារណៈ។ អ្នកបានឃើញហើយ នៅពេលនិយាយអំពីដំណោះស្រាយនេះ មានមេដឹកនាំអឺរ៉ុបផ្សេងៗគ្នា ចេញមុខ។

លោក ត្រាំ បានសរសេរនៅលើទំព័រ Truth Social របស់លោក កាលពីព្រឹកថ្ងៃពុធថា ការអត្ថាធិប្បាយរបស់លោក ហ្សេឡិនស្គីដែលថា អ៊ុយក្រែននឹងមិនទទួលស្គាល់តំបន់គ្រីម៉េ (Crimea)ថា ជារបស់រុស្ស៊ី មិនល្អសម្រាប់ការចរចាទេ ដែលតំបន់គ្រីម៉េនេះ ត្រូវបានបាត់បង់ច្រើនឆ្នាំកន្លងទៅហើយ ក្រោមការគាំទ្រ របស់លោកប្រធានាធិបតី បារ៉ាក់ អូបាម៉ា (Barack Obama) ហើយមិនមែនជាចំណុចដែលត្រូវពិភាក្សានោះទេ។ សម្រាប់ផ្នែករបស់ខ្លួននោះ អ្នកស្រី Leavitt បានកត់សម្គាល់ឃើញថា លោក ហ្សេឡិនស្គី មិនបានឆ្ពោះទៅរកសន្តិភាពនៅអ៊ុយក្រែនទេ ប៉ុន្តែឈានទៅរកទិសដៅផ្ទុយទៅវិញ។

ទន្ទឹមនឹងនេះ អ្នកនាំពាក្យវិមានក្រឹមឡាំង លោក Dmitry Peskov បានប្រាប់សារព័ត៌មាន Le Point របស់បារាំង ក្នុងបទសម្ភាសន៍មួយថា៖«អឺរ៉ុបចង់បានសង្រ្គាម មិនមែនការចរចា» អំពីដំណោះស្រាយមួយ នៅអ៊ុយក្រែនទេ។