កាលពីយប់ថ្ងៃពុធ ប្រធានាធិបតីអ៊ុយក្រែនលោក Volodymyr Zelenskiy បានធ្វើដំណើរទៅដល់ប្រទេសអាហ្វ្រិកខាងត្បូង ជាទីដែលគេរំពឹងថាលោកនឹងជួបពិភាក្សាការងារជាមួយក្រុមមេដឹកនាំអន្តរជាតិ ស្របពេលដែលកិច្ចប្រជុំស្វែងរកសន្តិភាពជាមួយរុស្ស៊ី ត្រូវបានរៀបចំឡើងដោយសហរដ្ឋអាមេរិក ។

លោក Zelenskiy រំពឹងថានឹងបង្កើនការផ្សព្វផ្សាយវិស័យការទូតក្នុងសប្តាហ៍នេះ ហើយលោកនិយាយថា នឹងជួបជាមួយប្រធានាធិបតីអាហ្វ្រិកខាងត្បូងលោក Cyril Ramaphosa ក៏ដូចជាក្រុមមេដឹកនាំរបស់អេស្ប៉ាញ បូឡូញ និងសាធារណរដ្ឋឆេក ។

លោក Zelenskiy បាននិយាយកាលពីថ្ងៃអង្គារថា អ៊ុយក្រែនត្រៀមខ្លួនរួចរាល់ក្នុងការជជែកពិភាក្សាការងារជាមួយរុស្ស៊ីនៅក្នុងទម្រង់ណាមួយ ពេលដែលកិច្ចព្រមព្រៀងបទឈប់បាញ់កើតមាន ហើយការប្រយុទ្ធគ្នាបានបញ្ឈប់ ។

លោកនិយាយថា លោកពេញចិត្តនឹងជួបប្រធានាធិបតីសហរដ្ឋអាមេរិកលោក Donald Trump ពេលក្រោយក្នុងសប្តាហ៍នេះ ពេលដែលពួកគេចូលរួមពិធីបុណ្យព្រះសពសម្តេចប៉ាប ហ្វ្រង់ស៊ីស ជាមួយក្រុមមេដឹកនាំពិភពលោកផ្សេងទៀត ។

ចាប់តាំងពីឡើងកាន់តំណែងកាលពីខែមករាមក លោកប្រធានាធិបតី Donald Trump គាំទ្រគោលនយោបាយសហរដ្ឋអាមេរិកចំពោះសង្រ្គាមនៅអ៊ុយក្រែន ដោយជំរុញឲ្យទីក្រុងគីវព្រមទទួលយកបទឈប់បាញ់ ខណៈបន្ធូរបន្ថយសំពាធលើរុស្ស៊ី ដែលបានបើកការវាយប្រហារពេញបន្ទុកលើប្រទេសជិតខាងមួយនេះ កាលពីឆ្នាំ ២០២២ ៕