ក្រុមជួយសង្រ្គោះ កំពុងព្យាយាមរុករកអ្នករស់រាន ក្រោយការវាយប្រហារមីស៊ីលរបស់រុស្ស៊ីលើទីក្រុងគីវ ប្រទេសអ៊ុយក្រែន ។

ការវាយប្រហារមីស៊ីលរបស់រុស្ស៊ីលើរដ្ឋធានីគីវ របស់អ៊ុយក្រែន បានសម្លាប់មនុស្សយ៉ាងហោច ៨នាក់ និងមនុស្សរាប់សិបនាក់ផ្សេងទៀត រងរបួស នៅក្នុងការវាយប្រហារមួយចំណោមការវាយប្រហារស្លាប់មនុស្សច្រើនបំផុត ចាប់តាំងពីទីក្រុងម៉ូស្គីបើកការវាយប្រហារពេញបន្ទុករបស់ពួកគេលើអ៊ុយក្រែន កាលពីរយៈពេលជាង ៣ឆ្នាំមុន ។

សំឡេងផ្ទុះដ៏ខ្លាំងបានបន្លឺឡើងនៅថ្ងៃព្រហស្បតិ៍នេះ ក្រោយស៊ីរ៉ែនវាយឆ្មក់តាមអាកាសរោទិ៍ ព្រមានឲ្យអ្នកស្រុករត់ទៅរកទីជម្រកការពារគ្រាប់ មុនពេលការវាយប្រហារមីស៊ីលរុស្ស៊ី ។

ស្របពេលដែលអ៊ុយក្រែនរងការវាយប្រហារតាមច្រកអាកាសរុស្ស៊ីពេញសង្រ្គាម ការវាយប្រហារលើទីក្រុងគីវដែលមានប្រព័ន្ធការពារដែនអាកាសល្អប្រសើរជាងទីក្រុងផ្សេងទៀតនោះ គឺជារឿងមិនសូវញឹកញាប់ប៉ុន្មាននោះទេ ។

ពេញមួយយប់ ក្រុមការងារសង្រ្គោះ បានរុករកតាមគំនរបាក់បែកអគាររងការបំផ្លិចបំផ្លាញ និងព្យាយាមពន្លត់ភ្លើងឆាបឆេះប្លុកអគារផ្ទះល្វែង ។

សេវាកម្មសង្រ្គោះបន្ទាន់រដ្ឋអ៊ុយក្រែន និយាយនៅលើបណ្តាញព័ត៌មានសង្គម Telegramថា រុស្សីបានបើកការវាយប្រហារទ្រង់ទ្រាយធំលើទីក្រុងគីវ ។ មនុស្ស ៨នាក់ ត្រូវបានសម្លាប់ និងមនុស្សរាប់សិបនាក់ផ្សេងទៀត រងរបួស ។ 

ពួកគេបន្តថា មនុស្សយ៉ាងហោច ៤២នាក់ ត្រូវបានបញ្ជូនទៅកាន់មន្ទីរពេទ្យ រួមទាំងកុមារ ៦នាក់ផងដែរ ៕