លេខាធិការក្រុមប្រឹក្សាសន្តិសុខរុស្ស៊ីលោក Sergey Shoigu បានប្រាប់ទីភ្នាក់ងារសារព័ត៌មាន TASS នៅក្នុងបទសម្ភាសន៍មួយថា ការធ្វើបច្ចុប្បន្នភាពយុទ្ធសាស្ត្រសន្តិសុខជាតិ កំពុងដំណើរការ។

លោកបាននិយាយថា៖«ការិយាល័យក្រុមប្រឹក្សាសន្តិសុខ កំពុងរៀបចំសំណើ ដើម្បីណែនាំបន្ថែម និងការកែតម្រូវចំពោះយុទ្ធសាស្រ្ត និងដើម្បីធ្វើបច្ចុប្បន្នភាពគោលដៅ ដែលខ្លួនមាន»។

លោកបានលើកឡើងថា ក្រុមប្រឹក្សាវិទ្យាសាស្ត្រ និងអ្នកជំនាញនៃក្រុមប្រឹក្សាសន្តិសុខរុស្ស៊ី ដែលបានបង្កើតឡើង ក្នុងខែធ្នូ ឆ្នាំ ២០២៤ គឺ «ចូលរួមយ៉ាងសកម្មក្នុងការងារនេះ ដោយធានាឲ្យមានការសិក្សាផ្នែកវិទ្យាសាស្ត្រឲ្យបានស៊ីជម្រៅអំពីបញ្ហាសន្តិសុខជាតិ និងការវាយតម្លៃអំពីបញ្ហាប្រឈម និងការគំរាមកំហែងដែលមានស្រាប់»។

លោកបានបន្ថែមថា៖«កម្លាំងជំរុញដ៏មានសក្ដានុពលខ្ពស់បំផុតនៃព្រឹត្តិការណ៍បច្ចុប្បន្ន ត្រូវការដំណើរការ សម្រេចចិត្តជារៀងរាល់ថ្ងៃ»។

លោកបានបញ្ជាក់ថា៖«ទន្ទឹមនឹងនេះ ផលវិបាកនានានៃការសម្រេចចិត្តដែលបានធ្វើឡើង នាពេលបច្ចុប្បន្ន អាចនឹងមានរយៈពេលច្រើនឆ្នាំ ឬច្រើនទសវត្សរ៍ថែមទៀត»។