ប្រធានាធិបតីសហរដ្ឋអាមេរិក លោក Donald Trump បានអះអាងនៅក្នុងបទសម្ភាសន៍មួយដែលបានចេញផ្សាយកាលពីថ្ងៃសុក្រថា ការចរចារការដំឡើងពន្ធកំពុងដំណើរការជាមួយប្រទេសចិន ប៉ុន្តែទីក្រុងប៉េកាំង បានច្រានចោលការចរចាកំពុងធ្វើឡើង ជាសញ្ញាចុងក្រោយនៃជម្លោះជាបន្តបន្ទាប់ជុំវិញអ្វីដែលជាវឌ្ឍនភាពត្រូវបានធ្វើឡើង ដើម្បីកាត់បន្ថយសង្គ្រាមពាណិជ្ជកម្ម ដែលធ្វើឲ្យប៉ះពាល់ដល់កំណើនសេដ្ឋកិច្ចពិភពលោក។

លោក Trump បានប្រាប់ទស្សនាវដ្តី TIME ថា កិច្ចពិភាក្សាកំពុងប្រព្រឹត្តទៅ ហើយប្រធានាធិបតីចិន លោក Xi Jinping បានទូរស័ព្ទទៅលោក ជាការអះអាងដែលលោកបាននិយាយដដែលៗទៅកាន់អ្នកសារព័ត៌មាន ខណៈលោកកំពុងចាកចេញពីសេតវិមានកាលពីថ្ងៃសុក្រទៅកាន់ទីក្រុងរ៉ូម ដើម្បីចូលរួមពិធីបុណ្យព្រះសពរបស់សម្តេចប៉ាប ហ្វ្រង់ស៊ីស។

ប្រទេសចិន បានតបតវិញនៅក្នុងសេចក្តីថ្លែងការណ៍របស់ក្រសួងការបរទេស ដែលបង្ហោះដោយស្ថានទូតចិនប្រចាំនៅសហរដ្ឋអាមេរិកថា «ចិន និងអាមេរិក ពុំមានការពិគ្រោះយោបល់ ឬការចរចាណាមួយលើការដំឡើងពន្ធឡើយ»។

ភាពមិនច្បាស់លាស់ទៅមុខនិងថយក្រោយ បានបន្ថែមទៅលើភាពមិនប្រាកដប្រជាច្រើន ជុំវិញស្ថានភាពហ្គេមគោលនយោបាយដំឡើងពន្ធ ដ៏ចម្រូងចម្រាស់របស់លោក Trump មិនត្រឹមតែជុំវិញប្រទេសចិនប៉ុណ្ណោះទេ ប៉ុន្តែវាទាក់ទងនឹងប្រទេសរាប់សិបផ្សេងទៀត ដែលកំពុងប្រញាប់ប្រញាល់ទប់ទល់កិច្ចព្រមព្រៀងរបស់ខ្លួនដើម្បីសម្រាលបន្ទុកពន្ធនាំចូលដ៏ច្រើនដែលលោកTrump បានដាក់ ចាប់តាំងពីការវិលត្រឡប់ទៅកាន់សេតវិមានវិញ ក្នុងខែមករា។