កម្មវិធីស្បៀងអាហារពិភពលោក(WFP)បាននិយាយថាឃ្លាំងស្តុកស្បៀងអាហាររបស់ខ្លួននៅក្នុងដែនដីហ្កាហ្សាកាន់តែខើចមែនទែនហើយ ខណៈ ការរាំងផ្លូវរបស់អ៊ីស្រាអែលមិនឲ្យជំនួយចូលតំបន់ហ្កាហ្សាបានបន្តឈានដល់សប្ដាហ៍ទី៨។

នៅក្នុងសេចក្តីថ្លែងការណ៍មួយកាលពីថ្ងៃសុក្រ WFP បានបញ្ជាក់ថា ខ្លួនបាន ចែកចាយអាហារដែលនៅសល់ចុងក្រោយរបស់ខ្លួន នៅក្នុងតំបន់ហ្កាហ្សាស្ទ្រីប ទៅកាន់ផ្ទះបាយក្នុងស្រុក ដែលអង្គការនេះរំពឹងថានឹងអស់អាហារនៅក្នុងប៉ុន្មានថ្ងៃខាងមុខនេះ។

តំណាងអង្គការសហប្រជាជាតិទទួលបន្ទុកជនភៀសខ្លួនប៉ាឡេស្ទីនលោក Antoine Renard បានប្រាប់សារព័ត៌មាន Al Jazeera ថាមនុស្សជាង៤០០.០០០នាក់ នៅហ្កាហ្សាពឹងផ្អែកលើជំនួយរបស់ WFP ដោយទុកឱ្យពួកគេទទួលបានជំនួយតិចតួច ប្រសិនបើអង្គការនេះគ្មានជំនួយគ្រប់គ្រាន់។

ចាប់តាំងពីថ្ងៃទី ២ ខែមីនាមក អ៊ីស្រាអែល បានបិទទាំងស្រុងនូវការផ្គត់ផ្គង់ជំនួយទាំងអស់ រួមទាំងអាហារ ថ្នាំពេទ្យ និងប្រេងឥន្ធនៈ មិនឲ្យចូលទៅក្នុងតំបន់ហ្កាហ្សាស្ទ្រីប ដោយបានប្រឆាំងនឹងដីការបស់តុលាការពិភពលោកឆ្នាំ ២០២៤ ដើម្បីជួយសម្រួលដល់ការហូរចូលនៃជំនួយមនុស្សធម៌។

យោងតាម WFP ស្បៀងអាហារដែលស្តុកទុកក្នុងអំឡុងបទឈប់បាញ់ជិតពីរខែនៅដើមឆ្នាំនេះ ភាគច្រើនបានអស់ហើយ ខណៈតម្លៃសម្រាប់អាហារដែលនៅមានតិចតួចនៅតាមទីផ្សារកណ្ដាលវាលបានកើនឡើង១.៤០០ភាគរយ ៕