មឈូសាធ្វើពីឈើរបស់សម្តេចប៉ាប ហ្វ្រង់ស៊ីស ត្រូវបានដង្ហែចូលទៅក្នុងទីលានចតុរង្គ St. Peter's Square នៅថ្ងៃសៅរ៍ ២៦ មេសានេះ នៅពេលចាប់ផ្តើមព្រះរាជពិធីបុណ្យសពដែលមានការចូលរួមដោយអ្នកកាន់ទុក្ខយ៉ាងច្រើន រួមទាំងមេដឹកនាំពិភពលោកដ៏មានឥទ្ធិពល អ្នកធ្វើធម្មយាត្រា និងបុព្វជិត។

មេដឹកនាំពិភពកំពុងចូលរួមពិធីបុណ្យសពសម្តេចប៉ាបនៅបុរីវ៉ាទីកង់ ប្រទេសអ៊ីតាលី។

សំឡេងបង្កប់ដោយភាពសោកសៅបានបន្លឺឡើងនៅពេលមឈូសាភ្ជាប់ដោយឈើឆ្កាងដ៏ធំមួយ ត្រូវបានដង្ហែចេញពីវិហារ St. Peter's Basilica ក្នុងបុរីវ៉ាទីកង់ និងចូលទៅក្នុងទីលានដែលពោរពេញដោយពន្លឺព្រះអាទិត្យ ។

សំឡេងជួងបានបន្លឺឡើងខណៈក្រុមមេដឹកនាំចុងក្រោយមកពីជាង១៥០ប្រទេសបានចូលទៅកន្លែងអង្គុយរៀងៗខ្លួន។

មនុស្សរាប់ពាន់នាក់បានសម្រុកទៅកាន់បុរីវ៉ាទីកង់ នៅថ្ងៃសៅរ៍នេះដើម្បីចាប់កន្លែងមុនគេក្នុងព្រះរាជពិធីបុណ្យសពសម្ដេចប៉ាប៕