ក្រុមអ្នកស្ម័គ្រចិត្ត បានរាយការណ៍កាលពីថ្ងៃអាទិត្យថា ជនស៊ីវិលយ៉ាងហោចណាស់៣១នាក់ត្រូវបានសម្លាប់ដោយកងកម្លាំងគាំទ្ររហ័សយោធាប៉ារ៉ា(RSF) នៅក្នុងទីក្រុង Omdurman ភាគខាងជើងរដ្ឋធានី Khartoum ប្រទេសស៊ូដង់។ បណ្តាញវេជ្ជបណ្ឌិតប្រទេសស៊ូដង់ ជាក្រុមស្ម័គ្រចិត្ត បាននិយាយនៅក្នុងសេចក្តីថ្លែងការណ៍ថា «កងកម្លាំងកងកម្លាំងគាំទ្ររហ័សយោធាប៉ារ៉ា(RSF) បានសម្លាប់រង្គាលដ៏រន្ធត់ ដោយបានសម្លាប់មនុស្ស៣១នាក់នៅតំបន់ Al-Salha រួមមានទាំងកុមារ នៅក្នុងការសម្លាប់រង្គាលដ៏បង្ហូរឈាមបំផុតនៅក្នុងតំបន់នេះដែលពុំធ្លាប់បានជួបប្រទះពីមុនមក»។ យើងចាត់ទុកការសម្លាប់រង្គាលនេះថាជាឧក្រិដ្ឋកម្មសង្គ្រាម និងជាឧក្រិដ្ឋកម្មប្រឆាំងមនុស្សជាតិ។ យើងសុំអំពាវនាវដល់សហគមន៍អន្តរជាតិឲ្យមានចំណាត់ការបន្ទាន់ដើម្បីជួយសង្គ្រោះជនស៊ីវិលដែលនៅសល់ និងបើកច្រករបៀងសុវត្ថិភាព ដើម្បីអនុញ្ញាតឱ្យពួកគេចាកចេញពីតំបន់ Al-Salha ជាទីជម្រករបស់ជនស៊ីវិលគ្មានអាវុធរាប់ពាន់នាក់។

ទន្ទឹមនឹងនេះ គណៈកម្មាធិការកណ្តាលនៃក្រុមតស៊ូ តំបន់ Al-Salha ជាក្រុមស្ម័គ្រចិត្តមួយផ្សេងទៀតក៏បានរាយការណ៍អំពីការសម្លាប់មនុស្សផងដែរ ដោយនិយាយថា កងជីវពលបានចាប់ពង្រត់ជនស៊ីវិលគ្មានអាវុធចេញពីតំបន់នេះ ហើយបានសម្លាប់ពួកគេ។ ក្រុមនេះនិយាយថា «ទិន្នន័យ បានបង្ហាញថាចំនួនជនស៊ីវិលដែលបានស្លាប់មានលើសពី ៣០ នាក់។