ទូរទស្សន៍ Al Jazeera របស់ប្រទេសកាតា បានរាយការណ៍ដោយដកស្រង់សេវាសារព័ត៌មានរបស់រដ្ឋបាល តំបន់ហ្កាហ្សាថា ជាង៦៥%នៃប្រជាជនប៉ាឡេស្ទីនដែលត្រូវបានសម្លាប់ដោយសកម្មភាពរបស់កងទ័ពអ៊ីស្រាអែល នៅតំបន់ហ្កាហ្សាស្ទ្រីប ក្នុងអំឡុងពេលជុំចុងក្រោយនៃជម្លោះអ៊ីស្រាអែលនិងប៉ាឡេស្ទីន គឺជាស្ត្រី កុមារ និងមនុស្សចាស់។

យោងតាមទូរទស្សន៍នេះ បានឲ្យដឹងថា មនុស្សសរុបចំនួន ៥២.២៤៣នាក់ ត្រូវបានសម្លាប់នៅក្នុងដែនដីនេះ ក្នុងអំឡុងពេលនេះ។ របាយការណ៍ បានបញ្ជាក់ថា ជាង ១៨.០០០ នាក់ក្នុងចំណោមពួកគេ ជាកុមារ ហើយជាង ១២.៤០០នាក់ គឺជាស្ត្រី។ ទូរទស្សន៍នេះ បានដកស្រង់សម្តីរបស់ការិយាល័យសារព័ត៌មានរបស់រដ្ឋបាលតំបន់ហ្កាហ្សាថា អ៊ីស្រាអែល «បានបំផ្លាញគ្រួសារប៉ាឡេស្ទីនចំនួន ២.១៨០ គ្រួសារ ដែលឪពុក ម្តាយ និងសមាជិកគ្រួសារទាំងអស់ ត្រូវបានសម្លាប់ ហើយមួយផ្នែកទៀតបានបំផ្លាញចំនួន ៥.០៧០គ្រួសារ ដោយបន្សល់ទុកតែម្នាក់គត់ ដែលនៅរស់រានមានជីវិត ក្នុងចំណោមពួកគេ។

យោងតាមសារព័ត៌មាន Al Jazeera សកម្មភាពរបស់អ៊ីស្រាអែល បានសម្លាប់វេជ្ជបណ្ឌិតប៉ាឡេស្ទីនជាង ១.៤០០នាក់ និងបុគ្គលិកពេទ្យ បុគ្គលិកការពារជនស៊ីវិល ១១៣នាក់ រួមទាំងអ្នកសារព័ត៌មាន និងបុគ្គលិកប្រព័ន្ធផ្សព្វផ្សាយចំនួន ២១២នាក់។