ការដាច់ចរន្តអគ្គិសនីទ្រង់ទ្រាយធំ បានវាយប្រហារតំបន់ជាច្រើនរបស់ប្រទេសអេស្ប៉ាញ និងប្រទេសព័រទុយហ្គាល់ ខណៈដែលអភិបាលក្រុង Madrid ព្រមានប្រជាពលរដ្ឋឲ្យនៅឆ្ងាយពីផ្លូវ និងទូរស័ព្ទទៅកាន់សេវាកម្មសង្រ្គោះបន្ទាន់ បើសិនជាវាពិតជាបន្ទាន់ខ្លាំង ។ ហាងលក់ទំនិញ និងភោជនីយដ្ឋាននៅរដ្ឋធានីរបស់អេស្ប៉ាញមួយនេះ បានប្រែក្លាយជាងងឹតឈឹង ហើយក្រុមនគរបាលនៅប្រទេសព័រទុយហ្គាល់និយាយដែរថា ភ្លើងស្តុប បានរលត់ ហើយស្ថានីយរថភ្លើងក្រោមដី នៅទីក្រុង Lisbon និងទីក្រុង Porto ត្រូវបានបិទ ៕