ប្រធានាធិបតីអាល្លឺម៉ង់ លោក Frank-Walter Steinmeier បាននិយាយកាលពីថ្ងៃចន្ទថា សម្ព័ន្ធយោធា NATO អាចពឹងផ្អែកលើទីក្រុងប៊ែរឡាំង ក្នុងការបង្កើនការរួមចំណែករបស់ខ្លួនចំពោះវិស័យការពារជាតិរបស់អឺរ៉ុប ខណៈសម្ព័ន្ធមិត្តអាត្លង់ទិក ប្រឈមអនាគតមិនច្បាស់លាស់កាន់តែច្រើន។

ថ្លែងនៅក្នុងពិធីមួយនៅទីបញ្ជាការកណ្តាលទីក្រុងប្រ៊ុចសែលរបស់អង្គការណាតូក្នុងពិធីប្រារព្ធខួប លោក Steinmeier បានព្យាយាមអះអាងជាថ្មីដល់សម្ព័ន្ធមិត្ត ដែលរង្គោះរង្គើរ ជាអ្វីដែលលោកហៅថា ការផ្លាស់ប្តូរភូមិសាស្ត្រនយោបាយ«តាមសម័យកាល»។ 

លោកបាននិយាយថា «បច្ចុប្បន្ននេះ ដោយសង្រ្គាមរបស់លោកប្រធានាធិបតី Vladimir Putin ប្រឆាំងអ៊ុយក្រែន នៅបន្ត និងដោយសារសហរដ្ឋអាមេរិក បានដាក់សម្ពាធយ៉ាងខ្លាំងលើសម្ព័ន្ធមិត្តអឺរ៉ុបរបស់ខ្លួន អាល្លឺម៉ង់ បានស្ថិតនៅក្នុងជំហរដ៏សំខាន់មួយ។

លោក Steinmeier បាននិយាយថា យើងទទួលបានសារ អ្នកអាចពឹងផ្អែកលើពួកយើង។ យើងនឹងខិតខំធ្វើឱ្យប្រទេសអាល្លឺម៉ង់ ទាំងផ្នែកយោធា និងហេដ្ឋារចនាសម្ព័ន្ធរបស់ខ្លួន ក្លាយជាឆ្អឹងខ្នងនៃការការពារដ៏សាម័ញ្ញនៅអឺរ៉ុប។