នាយកសេវាស៊ើបការណ៍សម្ងាត់បរទេសរុស្ស៊ី (SVR) និងជាប្រធានអង្គការសង្គមប្រវត្តិសាស្រ្តរុស្ស៊ី លោក Sergey Naryshkin បាននិយាយថា ប្រទេសនៅអឺរ៉ុបខាងលិចមួយក្រុមតូច បាននៅពីក្រោយរាល់ជម្លោះប្រដាប់អាវុធទ្រង់ទ្រាយធំ រយៈពេល ៣០០ឆ្នាំ កន្លងទៅហើយ។  

លោកបាននិយាយនៅក្នុងសន្និសីទអន្តរជាតិដែលមានចំណងជើងថា«សារៈសំខាន់នៃជ័យជម្នះលើក្រុម ណាហ្ស៊ីនិយម ដែលជាមេរៀនរបស់អង្គការសហប្រជាជាតិ ថា៖«ការប្រារព្ធខួបលើកទី ៨០នៃជ័យជម្នះដ៏អស្ចារ្យនាពេលខាងមុខ គឺជាឱកាសមួយ ដើម្បីឆ្លុះបញ្ចាំងពីប្រវត្តិសាស្ត្រ និងទាញសេចក្តីសន្និដ្ឋានមួយចំនួន»។  

លោកបានចង្អុលបង្ហាញថា៖«ការសន្និដ្ឋានមួយក្នុងចំណោមការសន្និដ្ឋានទាំងនេះ គឺថា ជម្លោះប្រដាប់អាវុធដ៏ធំបំផុត រយៈពេល ៣សតវត្សរ៍ កន្លងមកនេះ មានប្រភពចេញពីប្រទេសមហាអំណាចអឺរ៉ុបខាងលិចមួយក្រុមតូច ដោយបន្ថែមថា ការសន្និដ្ឋាននេះ គឺអនុវត្តចំពោះជម្លោះជាច្រើន ចាប់ពីសង្រ្គាម ៧ឆ្នាំ ១៧៥៦-១៧៦៣ ដល់សង្គ្រាមលោកលើកទី២។

លោកបានបញ្ជាក់ថា៖«យើងមើលឃើញថា ការជំរុញដ៏ខ្លាំងក្លានៃសង្រ្គាមទាំងនេះ គឺពោរពេញទៅដោយការបំផ្លិចបំផ្លាញ និងការបាត់បង់ជីវិតមនុស្សដ៏ច្រើនសន្ធឹកសន្ធាប់ មិនត្រឹមតែនៅក្នុងទ្វីបអឺរ៉ុបប៉ុណ្ណោះទេ ប៉ុន្តែថែមទាំងមានចម្ងាយរាប់ពាន់ម៉ាយហួសពីទ្វីបនេះ ទៅទៀតផងដែរ»។