រដ្ឋមន្ត្រីការបរទេសចិន លោក Wang Yi បាននិយាយក្នុងអំឡុងកិច្ចប្រជុំរបស់រដ្ឋមន្ត្រីការបរទេសមកប្រទេសកំពុងអភីវឌ្ឍន៍ BRICS នៅទីក្រុង Rio de Janeiro ប្រទេសប្រេស៊ីលថា ទីក្រុងប៉េកាំងគាំទ្រដំណោះស្រាយដោយសន្តិវិធីចំពោះវិបត្តិអ៊ុយក្រែន ហើយសង្ឃឹមថា មូលហេតុឫសគល់របស់វា នឹងត្រូវបានដោះស្រាយ។

លោករដ្ឋមន្ត្រីបាននិយាយថា៖«ប្រទេសចិន គាំទ្ររាល់កិច្ចខិតខំប្រឹងប្រែង ដែលសំដៅលើដំណោះស្រាយដោយសន្តិវិធីចំពោះវិបត្តិអ៊ុយក្រែន ហើយសង្ឃឹមថា ភាគីពាក់ព័ន្ធនឹងលុបបំបាត់មូលហេតុឫសគល់      នៃវិបត្តិ ហើយឈានដល់កិច្ចព្រមព្រៀងដ៏ត្រឹមត្រូវ យូរអង្វែង និងដោយសន្តិវិធី ឲ្យបានឆាប់តាមដែលអាចធ្វើទៅបាន ជាកិច្ចព្រមព្រៀងដែលមានកាតព្វកិច្ច និងអាចទទួលយកបានសម្រាប់គ្រប់ភាគី។ នេះបើយោងតាមគេហទំព័ររបស់ក្រសួងការបរទេសចិន។

លោករដ្ឋមន្ត្រីចិន បានសង្កត់ធ្ងន់លើតម្រូវការ ដើម្បី«រក្សាគោលជំហរពិតប្រាកដ និងមិនលម្អៀង ហើយទទូចឲ្យដោះស្រាយភាពខ្វែងគំនិតគ្នា តាមរយៈការសន្ទនា និងការចរចា»។