WHO៖ អង្គការសុខភាពពិភពលោកបាននិយាយកាលពីថ្ងៃពុធថា រដ្ឋាភិបាលនានាត្រូវវាយតម្លៃឡើងវិញរាល់ការឆ្លើយតបថ្នាក់ជាតិចំពោះវីរុស COVID-19 និងបង្កើនល្បឿនកម្មវិធីចាក់វ៉ាក់សាំង ដើម្បីទប់ទល់ការឆ្លងរាលដាលវីរុសបម្លែងខ្លួនថ្មី Omicron ទោះបីជាវាលឿនពេកក្នុងការនិយាយថា តើវ៉ាក់សាំងដែលមានស្រាប់នឹងការពារបានល្អយ៉ាងណា ប្រឆាំងនឹងវីរុសបម្លែងថ្មី Omicron នេះ។
ប្រមុខអង្គការសុខភាពពិភពលោកគឺលោក Tedros Adhanom Ghebreyesus បាននិយាយថា ការឆ្លងរាលដាលជាសកលនៃវីរុសបម្លែងថ្មី Omicron នេះបង្ហាញថា វាអាចមានផលប៉ះពាល់ធ្ងន់ធ្ងរលើជំងឺរាតត្បាតសកល COVID-19 ឥឡូវនេះវាដល់ពេលវេលាត្រូវចាត់វិធានការទប់ស្កាត់វីរុសនេះហើយ មុនពេលមានអ្នកជំងឺឆ្លងវីរុសបម្លែងថ្មី Omicron កាន់តែច្រើនបន្ថែមទៀតត្រូវចូលសម្រាកព្យាបាលនៅមន្ទីរពេទ្យ។ លោកបានប្រាប់សន្និសីទសារព័ត៌មានថា យើងអំពាវនាវឲ្យប្រទេសទាំងអស់បង្កើនការឃ្លាំមើល ការធ្វើតេស្ត និងលំដាប់លំ ដោយ។ ការសប្បាយភ្លេចខ្លួនណាមួយឥឡូវនេះនឹងធ្វើឱ្យបាត់បង់ជីវិត។
ប្រធានគ្រាអាសន្នសុខភាពសាធារណៈ របស់អង្គការសុខភាពពិភពលោកគឺលោក Mike Ryan បាននិយាយថា ខណៈវីរុសបម្លែងខ្លួនថ្មីទំនងជាឆ្លងរាលដាលកាន់តែងាយស្រួល កិច្ចខិតខំប្រឹងប្រែងទាំងឡាយត្រូវតែបង្កើនកម្រិតទ្វេដងដើម្បីកាត់ផ្ដាច់ខ្សែឆ្លង។ ដោយព្រមានទល់នឹងការឆាប់សន្និដ្ឋានពីការធ្វើតេស្តនេះ អ្នកវិទ្យាសាស្ត្រជាន់ខ្ពស់របស់អង្គការសុខភាពពិភពលោកបាននិយាយថា វាឆាប់ពេកក្នុងការនិយាយថា វ៉ាក់សាំងមានប្រសិទ្ធភាពតិចតួចក្នុងការទប់ស្កាត់ការឆ្លងវីរុសនេះ៕
អត្ថបទ៖ សុខមាន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
