កងកម្លាំងប្រដាប់អាវុធរបស់ប្រទេសរុស្ស៊ី បានបង្ហាញយុទ្ធោបករណ៍មួយចំនួនរបស់ខ្លួន នៅទីក្រុងមូស្គូភាគកណ្តាល កាលពីថ្ងៃអង្គារ ទី២៩ ខែមេសា ក្នុងអំឡុងពេលហាត់សមពេលយប់នៅជុំវិញទីលានក្រហម មុនពេលក្បួនព្យុហយាត្រាទិវាជ័យជំនះសង្គ្រាមលោកលើកទី២ ប្រចាំឆ្នាំ នៅថ្ងៃទី៩ ខែឧសភា។

លោកប្រធានាធិបតី Vladimir Putin ត្រូវបានគេរំពឹងថានឹងដឹកនាំព្រឹត្តិការណ៍នេះ នៅទីក្រុងមូស្គូ ដែលប្រារព្ធខួបលើកទី៨០នៃជ័យជំនះរបស់សហភាពសូវៀតលើពួកណាស៊ីអាល្លឺម៉ង់។

នៅឆ្នាំនេះ នឹងដូចគ្នាដែរចាប់តាំងពីឆ្នាំ២០២២មក ព្រឹត្តិការណ៍ទិវាជ័យជំនះនឹងត្រូវបានធ្វើឡើងក្នុងពេលមានជម្លោះនៅអ៊ុយក្រែន។

ទោះយ៉ាងណា លោកPutin កាលពីថ្ងៃចន្ទ បានប្រកាសបទឈប់បាញ់រយៈពេលបីថ្ងៃ នៅក្នុងខែឧសភា ដើម្បីឲ្យស្របទៅនឹងឱកាសនៃព្រឹត្តិការណ៍នេះ។

ចំណាត់ការរបស់លោកPutin ទំនងជាមានបំណងបង្ហាញសញ្ញាថាទីក្រុងមូស្គូនៅតែចង់បានសន្តិភាព ខណៈរដ្ឋបាលរបស់លោកប្រធានាធិបតី Donald Trump នៅទីក្រុងវ៉ាស៊ីនតោន មានការអត់ធ្មត់ចំពោះកិច្ចខិតខំប្រឹងប្រែងឆ្ពោះទៅរកសន្តិភាព។