នាយករដ្ឋមន្ត្រីអ៊ីស្រាអែលលោក Benjamin Netanyahu បានប្តេជ្ញាកាលពីថ្ងៃអង្គារសប្ដាហ៍នេះ ថានឹងសម្រេចជ័យជម្នះឲ្យបានក្នុងសង្រ្គាមនៅដែនដីហ្កាហ្សា និងធានាការវិលត្រឡប់មកវិញនៃចំណាប់ខ្មាំង ខណៈអ៊ីស្រាអែល រំម្លឹកដល់ទាហានដែលបានបាត់បង់ជីវិត និងជនរងគ្រោះនៃការវាយប្រហារដោយក្រុមហាម៉ាស។    

លោក Netanyahu បាននិយាយក្នុងសេចក្តីថ្លែងការណ៍វីដេអូមួយដែលប្រារព្ធពិធីរម្លឹកវិញ្ញាណក្ខន្ធថា យើងនឹងបន្តបេសកកម្ម លុះទទួលជ័យជម្នះ រួមទាំងការវិលត្រឡប់មកវិញសម្រាប់ចំណាប់ខ្មាំងរបស់យើងទាំងអស់។ 

នៅម៉ោង៨យប់ម៉ោងក្នុងស្រុក ស៊ីរ៉ែន បានបន្លឺឡើងពាសពេញប្រទេសអ៊ីស្រាអែល ដើម្បីចាប់ផ្តើមពិធីស្ងៀមស្ងាត់មួយនាទី រម្លឹកដល់អ្នកស្លាប់។

ទិវារម្លឹកខួបប្រចាំឆ្នាំតែងតែជាបន្ទុកធ្ងន់លើជនជាតិអ៊ីស្រាអែល ដែលបានប្រយុទ្ធនឹងសង្រ្គាមជាច្រើន ចាប់តាំងពីការបង្កើតប្រទេសអ៊ីស្រាអែល ក្នុងឆ្នាំ១៩៤៨ ។

ប៉ុន្តែចាប់តាំងពីការវាយប្រហាររបស់ក្រុមសកម្មប្រយុទ្ធហាម៉ាសនៅថ្ងៃ៧តុលាឆ្នាំ២០២៣  និងសង្រ្គាមនៅតែបន្តក្នុងដែនដីហ្កាហ្សា ដែលបានអូសបន្លាយជាង១៨ខែមកនេះ ថ្ងៃនេះមានអត្ថន័យថ្មីសម្រាប់មនុស្សជាច្រើន។

លោកឧត្តមសេនីយ៍ឯក Eyal Zamir ប្រមុខកងកម្លាំងប្រដាប់អាវុធ ក៏បានសន្យាបង្កើនកិច្ចខិតខំប្រឹងប្រែងដើម្បីនាំយកចំណាប់ខ្មាំងមកផ្ទះវិញផងដែរ។

ប្រភពនានា បាននិយាយថា ការចាបទឈប់បាញ់ហ្កាហ្សា នៅក្នុងទីក្រុងគែរ ប្រទេសអេហ្ស៊ីប មានវន្ឍនភាពច្រើនគួរឲ្យកត់សម្គាល់៕