យោងតាមការស្ទង់មតិដែលចេញផ្សាយដោយគណៈកម្មការអាត្លង់ទិករបស់ប្រទេសហូឡង់ និងក្រុមហ៊ុនស្រាវជ្រាវ Verian បានឲ្យដឹងថា ប្រជាជនហូឡង់ភាគច្រើន ចាត់ទុកសហរដ្ឋអាមេរិកថាជាការគំរាមកំហែងដល់សន្តិសុខពិភពលោក និងបានគាំទ្រដល់កាត់បន្ថយការពឹងផ្អែករបស់អឺរ៉ុបលើទីក្រុងវ៉ាស៊ីនតោន ។

ការត្រួតពិនិត្យការគាំទ្រប្រចាំឆ្នាំរបស់សម្ព័ន្ធយោធាណាតូ បានបង្ហាញថា ៨៨ភាគរយនៃអ្នកឆ្លើយតបជាពលរដ្ឋហូឡង់ ជឿថា អឺរ៉ុបគួរតែបន្តយុទ្ធសាស្រ្តស្វ័យការពារបន្ថែមទៀត និងកាត់បន្ថយការពឹងផ្អែករបស់ខ្លួនលើសហរដ្ឋអាមេរិក នៅក្នុងអង្គការសន្ធិសញ្ញាអាត្លង់ទិកខាងជើង (NATO)។ 

នៅពេលត្រូវបានសួរថាតើសហរដ្ឋអាមេរិកមានការគំរាមកំហែងច្រើនជាងនេះ ឬមានការធានាសុវត្ថិភាព នោះ៦៥ភាគរយបាននិយាយថាពួកគេចាត់ទុកប្រទេសនេះថាមានគ្រោះថ្នាក់ច្រើនដល់ពិភពលោក។

ការស្ទង់មតិ បានរកឃើញថា ទំនុកចិត្តរបស់ពលរដ្ឋហូឡង់លើសហរដ្ឋអាមេរិក ថាជាសម្ព័ន្ធមិត្តដែលអាចទុកចិត្តបាន បានធ្លាក់ចុះ ដោយមានការមិនទុកចិត្តកាន់តែខ្លាំងឡើងចំពោះតួនាទីរបស់ទីក្រុងវ៉ាស៊ីនតោន នៅក្នុងពិភពលោក។ មានការសង្ស័យច្រើន អំពីការរួមចំណែករបស់សហរដ្ឋអាមេរិកចំពោះសន្តិសុខនៅអឺរ៉ុប និងអំពីតួនាទីរបស់ប្រទេសនៅក្នុងពិភពលោក។ 

ការស្ទង់មតិ ក៏បង្ហាញផងដែរថា សាធារណៈជនហូឡង់ មានសុទិដ្ឋិនិយមអំពីសក្តានុពលរបស់អឺរ៉ុប ក្នុងការទទួលខុសត្រូវកាន់តែខ្លាំងសម្រាប់វិស័យការពារជាតិរបស់ខ្លួន។