មេធាវីមួយក្រុម បាននិយាយថា នគរបាលបានចាប់ខ្លួនមនុស្សជាង ៤០០នាក់ នៅក្នុងទីក្រុងអ៊ីស្តង់ប៊ុល កាលពីថ្ងៃព្រហស្បតិ៍ ដោយផ្នែកខ្លះនៃទីក្រុងដ៏ធំបំផុតរបស់ប្រទេសទួរគី ត្រូវបានបិទមិនឲ្យធ្វើដំណើរ ក្នុងការកិច្ចប្រឹងប្រែង ដើម្បីទប់ស្កាត់ការធ្វើបាតុកម្ម នៅថ្ងៃប្រារព្ធទិវាពលកម្មអន្តរជាតិ។

កាលពីថ្ងៃពុធ អាជ្ញាធរក្រុង បានបិទសេវារថភ្លើងក្រោមដី រថយន្តក្រុង និងសាឡាង នៅក្នុងទីក្រុងនានា ហើយបានចាប់ខ្លួនមនុស្ស ១០០នាក់ ដែលត្រូវបានគេចោទប្រកាន់ថា គ្រោងនឹងតវ៉ានៅទីលាន Taksim ដែលស្ថិតនៅកណ្តាលទីក្រុងនេះ ជាទីដែលបាតុកម្ម ត្រូវបានហាមឃាត់ តាំងពីឆ្នាំ ២០១៣។

ទិវាពលកម្មអន្តរជាតិឆ្នាំនេះ បានកើតឡើង នៅពេលដែលរដ្ឋាភិបាល កំពុងពាក់ព័ន្ធក្នុងការខ្វែងគំនិតគ្នាយ៉ាងជ្រៅ មួយគណបក្សប្រជាជនសាធារណរដ្ឋ (CPH) ដែលជាគណបក្សប្រឆាំងដ៏ធំ បន្ទាប់ពីចាប់បេក្ខជនប្រធានាធិបតីរបស់គណបក្សនេះ លោក Ekrem Imamoglu ឃុំខ្លួន។

លោក Imamoglu ដែលជាអភិបាលក្រុងអ៊ីស្តង់ប៊ុល គឺជាគូប្រជែងនយោបាយដ៏សំខាន់បំផុតរបស់លោកប្រធានាធិបតី រ៉េសិប តាយីប អឺដូហ្កាន់ (Recep Tayyip Erdogan)។

ក្រុមមេធាវីនៃសាខាគណបក្សប្រជាជនសាធារណរដ្ឋ (CPH) បានសរសេរនៅលើបណ្តាញសង្គម X កាលពីថ្ងៃព្រហស្បតិ៍ថា ចំនួននៃអ្នកដែលត្រូវចាប់ខ្លួន ត្រូវបានរាយការណ៍ដល់យើងថា លើសពី ៤០០នាក់។

ពុំមានការអត្ថាធិប្បាយភ្លាមៗអំពីការចាប់ខ្លួនមនុស្សទាំងនេះ ពីអាជ្ញាធរក្រុងនោះទេ។