អ្នកនាំពាក្យក្រសួងការបរទេសអ៊ីរ៉ង់ លោក Esmaeil Baghaei កាលពីថ្ងៃព្រហស្បតិ៍នេះ បានថ្កោលទោសយ៉ាងដាច់អហង្ការ ចំពោះការដាក់ទណ្ឌកម្មថ្មីរបស់សហរដ្ឋអាមេរិក លើបុគ្គល និងអង្គភាព នៅក្នុងប្រទេសអ៊ីរ៉ង់ និងប្រទេសដទៃទៀត ក្រោមលេសនៃកិច្ចសហប្រតិបត្តិការជាមួយទីក្រុងតេអេរ៉ង់ នៅក្នុងតំបន់    ផ្សេងៗគ្នា ដោយហៅទណ្ឌកម្មទាំងនោះថា ជាសញ្ញាច្បាស់លាស់នៃការប៉ុនប៉ងរបស់សហរដ្ឋអាមេ       រិក ចំពោះ«អំពើភេរវកម្មសេដ្ឋកិច្ច»។

លោក Baghaei បាននិយាយនៅក្នុងសេចក្តីថ្លែងការណ៍មួយថា ទណ្ឌកម្មដែលបានដាក់ក្នុងរយៈពេលប៉ុន្មានថ្ងៃកន្លងមកនេះ គឺជាសញ្ញាច្បាស់លាស់នៃការទទូចរបស់អ្នកបង្កើតគោលនយោបាយអាមេរិកលើការបំពានច្បាប់ និងការរំលោភលើសិទ្ធិ និងផលប្រយោជន៍របស់ប្រទេសដទៃទៀត ក៏ដូចជាកិច្ចប្រឹងប្រែងរបស់ពួកគេ ក្នុងការបង្អាក់ទំនាក់ទំនងមិត្តភាព និងផ្លូវច្បាប់ ក្នុងចំណោមរដ្ឋកំពុងអភិវឌ្ឍន៍តាមរយៈអំពើភេរវកម្មសេដ្ឋកិច្ច។

ការដាក់ទណ្ឌកម្មទាំងនោះ គឺជា«ភ័ស្តុតាងជាក់ស្តែងមួយផ្សេងទៀតនៃវិធីសាស្រ្តផ្ទុយគ្នារបស់អ្នកធ្វើសេចក្តីសម្រេចរបស់សហរដ្ឋអាមេរិក និងការខ្វះសុច្ឆន្ទៈ និងភាពហ្មត់ចត់ ក្នុងការជំរុញផ្លូវការទូត។

លោក Baghaei កំពុងមានប្រតិកម្មចំពោះទណ្ឌកម្ម ដែលដាក់ដោយក្រសួងរតនាគារសហរដ្ឋអាមេរិក និងក្រសួងការបរទេសកាលពីថ្ងៃអង្គារ និងថ្ងៃពុធ ទៅលើបុគ្គលចំនួន ៦រូប ដែលមានមូលដ្ឋាននៅអ៊ីរ៉ង់ និងអង្គភាពចំនួន ១៣ នៅក្នុងប្រទេសអ៊ីរ៉ង់ និងប្រទេសផ្សេងទៀតជុំវិញការជាប់ពាក់ព័ន្ធក្នុងការជួញដូរប្រេង និងគីមីឥន្ធនៈរបស់អ៊ីរ៉ង់ និងការទិញធាតុផ្សំនៃគ្រាប់មីស៊ីលបាលីស្ទីក ក្នុងនាមឆ្មាំបដិវត្តន៍ឥស្លាមរបស់ប្រទេសអ៊ីរ៉ង់។

ប្រតិកម្មរបស់លោក Baghaei បានកើតឡើង នៅពេលដែលជុំទី ៤ នៃកិច្ចចរចាដោយប្រយោល ដែលសម្របសម្រួលដោយប្រទេសអូម៉ង់ រវាងអ៊ីរ៉ង់និងសហរដ្ឋអាមេរិក ដែលគ្រោងធ្វើឡើងដំបូងសម្រាប់ថ្ងៃសៅរ៍ នៅទីក្រុងរ៉ូមនៃប្រទេសអ៊ីតាលី ត្រូវបានពន្យារពេល។