អគ្គនាយកដ្ឋានការពារជនស៊ីវិលរបស់ប្រទេសអារ៉ាប៊ីសាអ៊ូឌីត បានព្រមានអំពីនឹងភ្លៀងធ្លាក់ខ្លាំង និងទឹកជំនន់ដែលអាចកើតមាន នៅក្នុងតំបន់ជាច្រើន នៅទូទាំងប្រទេសនេះ រហូតដល់ថ្ងៃអង្គារ។

នៅក្នុងសេចក្តីណែនាំដែលធ្វើឡើងដោយទីភ្នាក់ងារសារព័ត៌មានអារ៉ាប៊ីសាអ៊ូឌីត អគ្គនាយកដ្ឋាននេះ បាននិយាយថា តំបន់ Makkah ត្រូវបានគេរំពឹងថា នឹងមានភ្លៀងធ្លាក់ពីមធ្យមទៅច្រើន អមដោយព្រិលធ្លាក់ និងខ្យល់បក់បោកខ្លាំង។

ភ្លៀងធ្លាក់ពីមធ្យមទៅច្រើន ក៏ត្រូវបានគេរំពឹងទុក នៅក្នុងតំបន់ Riyadh ខណៈតំបន់ Najran នៅភាគនិរតី អាចនឹងមានភ្លៀងធ្លាក់តិចជាង។

គេក៏បានរំពឹងទុកផងដែរថា នឹងមានភ្លៀងធ្លាក់ នៅតំបន់ភាគខាងលិចគឺ Madinah, Al-Baha, Asir និង Jazan; តំបន់ភាគកណ្តាល Qassim; Hail និងព្រំប្រទល់ខាងជើង នៅភាគខាងជើង; និងខេត្តភាគខាងកើត។

សេចក្តីណែនាំរបស់អគ្គនាយកដ្ឋានការពារជនស៊ីវិល បានបញ្ជាក់ថា អ្នកស្រុកទាំងអស់ ត្រូវបានជូនដំណឹងឲ្យមានការការពារជាចាំបាច់ ជៀសវាងតំបន់ដែលងាយរងគ្រោះដោយទឹកជំនន់ និងប្រកាន់ខ្ជាប់ នូវគោលការណ៍ណែនាំសុវត្ថិភាពដែលបានចែករំលែកតាមរយៈបណ្តាញប្រព័ន្ធផ្សព្វផ្សាយផ្សេងៗ»។