ស្វាយរៀង៖ភ្លៀងធ្លាក់មួយមេធំលាយឡំនិងខ្យល់កន្ត្រាក់បោកបក់បណ្តាលឲ្យ​ផ្ទះប្រជាពលរដ្ឋចំនួន៧៤ខ្នងដួលរលំនិងប៉ើងដំបូលខ្នងផ្ទះនៅក្នុងស្រករំដួលនិងស្រុកស្វាយជ្រំ។​

​ករណីភ្លៀងធ្លាក់លាយឡំខ្យល់កន្ត្រាក់នេះបានកើតឡើងកាលពីវេលាម៉ោង១៨ៈ៣០នាទីយប់ថ្ងៃទី​១ខែ​ឧសភា​ឆ្នាំ​២០២៥នេះស្ថិតក្នុងឃុំ​ចំនួន​៦ក្នុងស្រុករំដួលនិងស្រុកស្វាយជ្រំខេត្តស្វាយរៀង។​

បើតាមលោកមេឃុំជ្រុងពពេលបានឲ្យដឹងថា៖នៅយប់វេលាកើតហេតុខាងលើស្រាប់តែមានមេឃខ្មៅធ្លាក់ភ្លៀងលាយឡំខ្យល់រន្ទះបោកបក់ខ្លាំងៗមកលើភូមិឃុំរបស់ហើយក្រោយមេឃរាំងភ្លៀងបណ្តាលឲ្យមានផ្ទះប្រជាពលរដ្ឋដួលរលំនិងផ្ទះខ្លះប៉ើងដំបូល​ធ្លាក់ក្បៀងស័ង្កសីជាដើម។​

ប្រភពបានបន្តទៀតថា៖ក្រោយពីស្ងប់ស្ងាត់អាជ្ញាធរចុះស្រង់ពីផលប៉ះពាល់ដោយខ្យល់កន្ត្រាក់ហើយផ្ទះពលរដ្ឋដួលរលំធ្ងន់នោះចំនួន២៥ខ្នង មធ្យម​ចំនួន​៤០ខ្នង តិចតួច៩ខ្នងផ្ទះដោយ ប៉ើងដំបូល ក្បឿងនិង ស័ង្កសី ក្នុងស្រុករំដួលរងផលប៉ះពាល់ឃុំចំនួន៤មាន ឃុំ ជ្រុងពពេល ឃុំ ម៉ឺនជ័យ ឃុំ កំពង់អំពិល និងឃុំ ថ្នាធ្នង់ ស្រុកស្វាយជ្រំប៉ះពាល់ឃុំចំនួន២មាន ឃុំ អង្គតាសូនិងឃុំធ្លក តាមបណ្តាលស្រុកក្រុងនៅក្នុងខេត្តស្វាយរៀងផ្សេងទៀតពុំទាន់មានផលប៉ពាល់ខូចខាតនោះទេ។

ហើយនៅព្រឹកថ្ងៃទី២ខែឧសភាឆ្នាំ២០២៥នេះសាខាកាកបាទក្រហមកម្ពុជាខេត្តស្វាយរៀងបានចុះពិនិត្យនិងចែកអំណោយជួនដល់ប្រជាពលរដ្ឋដែលរងគ្រោះដោយគ្រោះ​ធម្មជាតិ​ខ្យល់កន្ត្រាក់នេះផងដែរ។​

សូមបញ្ជាក់ថា​៖កន្លងមក​ឯកឧត្ដម ប៉េង ពោធិ៍​សា អភិបាល​ខេត្តស្វាយរៀង​បានចេញ​សេចក្ដី​ណែនាំ​ដល់ប្រជាពលរដ្ឋទូរទាំងខេត្តស្វាយរៀងត្រូវមានការប្រុងប្រយ័ត្នខ្ពស់ចំពោះ​គ្រោះធម្មជាតិ​ហើយនៅពេលមេឃភ្លៀងត្រូបិទ វិទ្យុ ទូរទស្សន៍ ទូរស័ព្ទ និងត្រូវទីទួលមាន​សុវត្ថិភាព​ជៀសវាងជួបគ្រោះថ្នាក់ដោយគ្រោះ​ធម្មជាតិ​។