អ្នកនាំពាក្យក្រសួងការបរទេសអាមេរិកអ្នកស្រី Tammy Bruce បាននិយាយនៅក្នុងសន្និសីទសារព័ត៌មានជាទៀងទាត់សម្រាប់អ្នកយកព័ត៌មានថា ការទំនាក់ទំនងផ្ទាល់ខ្លួនរវាងមេដឹកនាំសហរដ្ឋអាមេរិក និងរុស្ស៊ី គឺចាំបាច់សម្រាប់បញ្ហានៃការដោះស្រាយវិបត្តិអ៊ុយក្រែន។

អ្នកស្រី Bruce បាននិយាយថា៖«ស្ថានភាពគឺកាន់តែតានតឹងឡើង ទាក់ទងនឹងទំនាក់ទំនងរវាងប្រធានាធិបតីអាមេរិក លោក ដូណាល់ ត្រាំ (Donald Trump) និងសមភាគីរុស្ស៊ីលោក វ្ល៉ាឌីមៀ ពូទីន(Vladimir Putin)។ អ្នកស្រី បានសង្កត់ធ្ងន់ថា រដ្ឋមន្ត្រីការបរទេសលោក Marco Rubio បានដឹងយ៉ាងច្បាសស់ នៅពេលនិយាយអំពីទស្សនៈរបស់លោកប្រធានាធិបតី ត្រាំ គឺមនុស្សត្រូវតែនិយាយទល់មុខគ្នា នេះគឺជាអ្វីដែលការទូតលើកឡើង មនុស្សរៀបចំ ជជែកគ្នាអំពីបញ្ហាផ្សេងៗ និងស្វែងរកហេតុផលរួម។

អ្នកការទូតអាមេរិករូបនេះបាននិយាយថា៖«ឥឡូវនេះ វាច្បាស់ណាស់ថា មានការប្តេជ្ញាចិត្ត និងការយល់ដឹងអំពីសារៈសំខាន់នៃទំនាក់ទំនងការទូតប្រភេទនេះ»។ 

អ្នកស្រី Bruce បានបន្ថែមថា៖«ខ្ញុំមិនអាចប៉ានស្មានបានអំពីលក្ខណៈនៃអ្វីដែលលោកប្រធានាធិបតី ត្រាំ និងលោក ពូទីន អាចនឹងពិភាក្សាគ្នានោះទេ»។

ប្រធានាធិបតីទាំងពីរ បានសន្ទនាតាមទូរស័ព្ទ កាលពីថ្ងៃទី ១៨ ខែមីនា នៅពេលដែលពួកគេ បានពិភាក្សាអំពីបទឈប់បាញ់រយៈពេល ៣០ថ្ងៃ នៅក្នុងជម្លោះអ៊ុយក្រែន លក្ខខណ្ឌនៃការទប់ស្កាត់ការកើនឡើងភាពតានតឹង និងប្រធានបទអន្តរជាតិមួយចំនួន។