សកម្មភាពតាមអាកាសរបស់អ៊ីស្រាអែល កាន់តែខ្លាំងឡើង នៅទូទាំងប្រទេសស៊ីរី កាលពីថ្ងៃសុក្រ ជាមួយនឹងការវាយប្រហារដោយយានដ្រូន នៅក្នុងរដ្ឋធានីដាម៉ាស ក៏ដូចជាខេត្តភាគកណ្តាល និងភាគខាងលិច និងសកម្មភាពយានដ្រូន ត្រូវបានគេសង្កេតឃើញ នៅក្នុងតំបន់ជាច្រើន។ នេះបើយោងតាមប្រព័ន្ធផ្សព្វផ្សាយស៊ីរី និងក្រុមឃ្លាំមើល។

សារព័ត៌មានស៊ីរី Al-Watan បានរាយការណ៍ថា នៅតំបន់ជនបទនៃទីក្រុងដាម៉ាស ការវាយប្រហារដោយយានដ្រូនដែលសន្មតថា ធ្វើឡើងដោយយោធាអ៊ីស្រាអែល បានសម្លាប់មនុស្ស ៤នាក់ នៅក្នុងទីក្រុង Kanaker កាលពីរសៀលថ្ងៃសុក្រ។

អង្គការឃ្លាំមើលសង្រ្គាមដែលមានមូលដ្ឋាននៅចក្រភពអង់គ្លេស ដែលអង្គការឃ្លាំមើលសិទ្ធិមនុស្សស៊ីរីបានរាយការណ៍ថា ក្រៅពីនេះ ការវាយប្រហារតាមអាកាសយ៉ាងហោចណាស់ចំនួន ១០លើក បានកំណត់គោលដៅលើតំបន់ជុំវិញជាយក្រុងទីក្រុង Harast ភាគខាងកើត រួមទាំងប៉ុស្តិ៍យោធាមួយ នៅក្បែរមន្ទីរពេទ្យយោធា Harasta ផងដែរ។ 

ទូរទស្សន៍រដ្ឋរបស់ស៊ីរី Al-Ikhbariyah បានរាយការណ៍ថា ការវាយប្រហារតាមអាកាស បានបណ្តាលឲ្យ ខូចខាតសម្ភារៈយ៉ាងដំណំ ប៉ុន្តែមិនមានអ្នកស្លាប់ណាម្នាក់ បញ្ជាក់ទេ គិតត្រឹមល្ងាចថ្ងៃសុក្រ ហើយរថយន្តសង្គ្រោះ និងក្រុមការពារស៊ីវិល ត្រូវបានបញ្ជូនទៅកាន់កន្លែងកើតហេតុ។