ប្រមុខការពារជាតិ បាននិយាយកាលពីថ្ងៃអាទិត្យថា កងទ័ពអាហ្រ្វិកខាងត្បូង ដែលបានដកខ្លួនចេញពីជម្លោះ នៅសាធារណរដ្ឋប្រជាធិបតេយ្យកុងហ្គោភាគខាងកើត បានចាប់ផ្តើមប្រមូលផ្តុំគ្នា នៅក្នុងប្រទេសតង់ហ្សានី ហើយភាគច្រើន គួរតែត្រឡប់ទៅប្រទេសវិញ ក្នុងខែនេះ។

លោកឧត្តមសេនីយ៍ Rudzani Maphwanya បាននិយាយថា នៅក្រោមការដកងទ័ពជាដំណាក់កាល ដែលបានចាប់ផ្តើមនៅថ្ងៃទី ២៩ ខែមេសា ទាហានត្រូវចាកចេញពីកុងហ្គោ ឆ្លងកាត់ប្រទេសរ្វ៉ាន់ដា តាមផ្លូវគោក មុនពេលចូលទៅប្រទេសតង់ហ្សានី។

លោកបានបន្តថា ចាប់ចេញពីទីនោះ ពួកគេនឹងត្រឡប់ទៅអាហ្វ្រិកខាងត្បូងវិញ តាមផ្លូវសមុទ្រ និងផ្លូវអាកាស នៅចុងខែឧសភា។

ទាហាន គឺជាផ្នែកមួយនៃកម្លាំងសហគមន៍អភិវឌ្ឍន៍ក្នុងតំបន់អាហ្វ្រិកខាងត្បូង (SADC) ដែលបានដាក់ពង្រាយទៅកាន់ភាគខាងកើតប្រទេសកងហ្គោ ក្នុងខែធ្នូ ឆ្នាំ ២០២៣ ក្នុងអំឡុងពេលការងើបឡើងវិញនៃចលនាប្រដាប់អាវុធ M23។