យោធាប៉ាគីស្ថាន បាននិយាយនៅថ្ងៃចន្ទនេះថា ខ្លួនបានធ្វើការតេស្តសាកល្បងមីស៊ីលដែលមានរយៈចម្ងាយ ១២០ គីឡូម៉ែត្រ (៧៥ ម៉ាយ) ដែលជាការបាញ់បង្ហោះលើកទី ២ ក្នុងរយៈពេលពីរថ្ងៃ ខណៈដែលភាពតានតឹងជាមួយឥណ្ឌា បានកើនឡើងជុំវិញជម្លោះនៅតំបន់កាស្មៀរ។

ទីក្រុងញូវដែលី បានស្តីបន្ទោសទីក្រុងអ៊ីស្លាម៉ាបាដចំពោះការគាំទ្រការវាយប្រហារដ៏សាហាវ ទៅលើអ្នកទេសចរ នៅផ្នែកខាងឥណ្ឌានៃតំបន់កាស្មៀរកាលពីខែមុន ដែលបង្កឲ្យមានការប្រឈមមុខគ្នាជាថ្មីរវាងប្រទេសជិតខាងប្រដាប់អាវុធនុយក្លេអ៊ែរនេះ។

យោធាបាននិយាយនៅក្នុងសេចក្តីថ្លែងការណ៍មួយថា៖«ការបាញ់តេស្តនេះ គឺមានគោលបំណងធានានូវការត្រៀមខ្លួន ក្នុងប្រតិបត្តិការរបស់កងទ័ព និងធ្វើឲ្យមានសុពលភាពនូវកម្រិតបច្ចេកទេសសំខាន់ៗ រួមទាំងប្រព័ន្ធកំណត់ទីតាំងទំនើបនិងភាពជាក់លាក់កាន់តែមានកម្រិតខ្ពស់របស់មីស៊ីល។

កាលពីថ្ងៃសៅរ៍ យោធាបាននិយាយថា ខ្លួនបានបាញ់តេស្តមីស៊ីលបាញ់ពីដីវាយប្រហារគោលដៅនៅលដី ដែលមានរយៈចម្ងាយ ៤៥០ គីឡូម៉ែត្រ (២៨០ម៉ាយ)។