គណបក្សប្រជាធិបតេយ្យសង្គម (SPD) របស់ប្រទេសអាល្លឺម៉ង់ នៅថ្ងៃចន្ទ (ទី៥ ខែឧសភា) នេះ បានបញ្ជាក់ថា លោក Boris Pistorius នឹងនៅតែជារដ្ឋមន្ត្រីក្រសួងការពារជាតិ ខណៈដែលពួកគេបានប្រកាសពីការតែងតាំងរបស់ពួកគេ សម្រាប់រដ្ឋភិបាលចម្រុះថ្មីរបស់គណបក្ស ជាមួយនឹងក្រុមអភិរក្សនិយមដែលគ្រោងស្បថចូលកាន់តំណែង ក្នុងសប្តាហ៍នេះ។

លោក Pistorius ដែលជាអ្នកនយោបាយដ៏មានប្រជាប្រិយបំផុតរបស់ប្រទេសអាល្លឺម៉ង់ គឺជារដ្ឋមន្ត្រីរបស់គណបក្ស SPD តែមួយរូបគត់ដែលនឹងរក្សាតួនាទីរបស់លោក នៅក្នុងរដ្ឋាភិបាលចម្រុះថ្មី បន្ទាប់ពីបក្ស SPD ទទួលបានលទ្ធផលអាក្រក់បំផុតមិនធ្លាប់មាន នៅក្នុងការបោះឆ្នោតជាតិ កាលពីថ្ងៃទី២៣ ខែកុម្ភៈ។

បក្ស SPD បានឲ្យដឹងរួចហើយកាលពីសប្តាហ៍មុនថា សហមេដឹកនាំរបស់ខ្លួន គឺលោក Lars Klingbeil អាយុ ៤៧ឆ្នាំ នឹងចូលកាន់តំណែងក្នុងក្រសួងហិរញ្ញវត្ថុដ៏សំខាន់ ខណៈពេលដែលខ្លួនបានតែងតាំងអតីតប្រធានសភា Bundestag លោក Baerbel Bas វ័យ៥៧ឆ្នាំ នៅថ្ងៃចន្ទនេះឲ្យកាន់តំណែងជារដ្ឋមន្ត្រីការងារ។ រដ្ឋាភបាលចម្រុះនេះ គ្រោងនឹងស្បថចូលកាន់តំណែង នៅថ្ងៃអង្គារ ដោយលោលលោក Friedrich Merz ធ្វើជាអធិការបតីថ្មី បន្ទាប់ពីគណបក្សអភិរក្សនិយមរបស់លោកបានឈ្នះការបោះឆ្នោតកាលពីខែកុម្ភៈ។

ភាគីទាំង២ មានបំណងស្តារឡើងវិញនូវកំណើនសេដ្ឋកិច្ចដ៏ធំបំផុតរបស់អឺរ៉ុប ខណៈដែលសង្គ្រាមពាណិជ្ជកម្មសកលដែលបង្កឡើងដោយការការដំឡើងពន្ធនាំចូលដ៏ធ្ងន់ធ្ងររបស់ប្រធានាធិបតីអាមេរិក លោក Donald Trump គំរាមកំហែងដល់ឆ្នាំនៃការមានឱនភាពសេដ្ឋកិច្ចមួយផ្សេងទៀត ក៏ដូចជាការបង្កើនការចំណាយលើវិស័យការពារជាតិ ស្របពេលមានភាពតានតឹងនៅក្នុងសម្ព័ន្ធភាពឆ្លងមហាសមុទ្រអាត្លង់ទិក គឺអង្គការណាតូ (NATO)៕