កាសែត The New York Times បានរាយការណ៍ថា ប្រព័ន្ធប្រឆាំងមីស៊ីលប៉ាទ្រីយ៉ូត(Patriot) ផលិតដោយសហរដ្ឋអាមេរិក នឹងត្រូវផ្ទេរពីប្រទេសអ៊ីស្រាអែល ទៅកាន់ប្រទេសអ៊ុយក្រែន។ របាយការណ៍នេះ បានលើកឡើងដោយមន្ត្រីក្នុងទីក្រុងវ៉ាស៊ីនតោនជាប្រភពព័ត៌មាន។

សេចក្តីរាយការណ៍និយាយថាការពិភាក្សាកំពុងដំណើរការដើម្បីផ្ទេរប្រព័ន្ធមីស៊ីលប៉ាទ្រីយ៉ូត(Patriot) មួយផ្សេងទៀតពីប្រទេសអាល្លឺម៉ង់ ឬប្រទេសក្រិក។ ប្រព័ន្ធទាំងពីរនេះ នឹងនាំឲ្យចំនួនសរុបនៅក្នុងឃ្លាំងអាវុធរបស់អ៊ុយក្រែនឡើងដល់១០។ មន្ត្រី បានបដិសេធមិននិយាយថាតើលោកប្រធានាធិបតី Donald Trump ព្រមព្រៀងលើការផ្ទេរនេះឬយ៉ាងណា នោះទេ។

លោក Trump គ្រោងនឹងធ្វើទស្សនកិច្ចទៅកាន់តំបន់មជ្ឈិមបូព៌ាក្នុងខែនេះ ដែលបានជំរុញឱ្យមានការរំពឹងទុកថា លោកអាចនឹងជួបពិភាក្សាជាមួយប្រធានាធិបតីរុស្ស៊ី លោក Vladimir Putin ។ ទោះបីជាយ៉ាងណា អ្នកនាំពាក្យរបស់ប្រធានាធិបតីរុស្ស៊ី លោក Dmitry Peskov បាននិយាយថា លោក Putin នឹងមិនធ្វើដំណើរទៅកាន់តំបន់នោះ នៅពេលនេះទេ។ លោកបាននិយាយបន្ថែមថា រុស្ស៊ីមានឆន្ទៈបន្តការសន្ទនា។

លោកPeskov និយាយថា«វាត្រូវតែត្រូវបានរៀបចំយ៉ាងត្រឹមត្រូវ ហើយនេះតម្រូវឱ្យមានការខិតខំប្រឹងប្រែងក្នុងកម្រិតអ្នកជំនាញ។ វាទាមទារឱ្យមានទំនាក់ទំនងបន្តរវាងទីក្រុងមូស្គូនិងទីក្រុងវ៉ាស៊ីនតោន»។