ឯកអគ្គរដ្ឋទូតប៉ាគីស្ថានប្រចាំនៅសហរដ្ឋអាមេរិក បាននិយាយកាលពីថ្ងៃព្រហស្បតិ៍ ទី ៨ ឧសភា ថា ប្រទេសឥណ្ឌា និងប៉ាគីស្ថាន មានទំនាក់ទំនងក្នុងកម្រិតក្រុមប្រឹក្សាសន្តិសុខជាតិរៀងៗខ្លួន នៅពេលដែលត្រូវបានសួរថាតើប្រទេសជិតខាងនៅអាស៊ីទាំងពីរដែលមានអាវុធនុយក្លេអ៊ែរ មានការសន្ទនាជាបន្តឬយ៉ាងណា។

ឯកអគ្គរដ្ឋទូត លោក Rizwan Saeed Sheikh បានធ្វើអត្ថាធិប្បាយបែបនេះនៅក្នុងបទសម្ភាសន៍ជាមួយប្រព័ន្ធផ្សព្វផ្សាយ CNN ដែលលោកបាននិយាយថា ការទទួលខុសត្រូវដើម្បីបន្ធូរបន្ថយភាពតានតឹងរវាងប្រទេសទាំងពីរ អាស្រ័យលើប្រទេសឥណ្ឌា បន្ទាប់ពីការប៉ះទង្គិចគ្នា។

នៅពេលនេះ ទំនួលខុសត្រូវសម្រាប់ការបន្ធូរបន្ថយភាពតានតឹងគឺស្ថិតនៅលើប្រទេសឥណ្ឌា ប៉ុន្តែមានឧបសគ្គលើភាពអត់ធ្មត់។ ប៉ាគីស្ថាន រក្សាសិទ្ធិក្នុងការឆ្លើយតបវិញ ខណៈមានសម្ពាធគ្រប់គ្រាន់ពីមតិសាធារណៈរបស់យើងចំពោះរដ្ឋាភិបាលដើម្បីឆ្លើយតប។

ប្រទេសមហាអំណាចពិភពលោកជាច្រើន រួមទាំងសហរដ្ឋអាមេរិក បានជំរុញឱ្យទីក្រុង New Delhi និងទីក្រុង Islamabad កាត់បន្ថយភាពតានតឹង និងរក្សាទំនាក់ទំនងដោយបើកចំហ។ ជាមួយគ្នានេះ ទីក្រុងវ៉ាស៊ីនតោន បានអំពាវនាវឱ្យមានការសន្ទនាដោយផ្ទាល់។