សម្តេចសង្ឃ Robert Prevost ដែលបច្ចុប្បន្នគឺជាសម្តេចប៉ាប លីអូ ទី ១៤ គឺជាសម្តេចប៉ាបលើកដំបូងគេប្រសូត្រនៅសហរដ្ឋអាមេរិក ។

 មុនពេលព្រះអង្គយាងទៅកាន់យ៉វិមានវ៉ាទីកង់កាលពីថ្ងៃព្រហស្បតិ៍ ព្រះអង្គមិនសូវបានគេស្គាល់នោះទេលើឆាកអន្តរជាតិ ។ ដូច្នេះហើយតើព្រះអង្គជានរណា? 

 សម្តេចសង្ឃ Prevost បានប្រសូត្រនៅឆ្នាំ ១៩៥៥ ដំបូងឡើយមានដើមកំណើតនៅទីក្រុង Chicago សហរដ្ឋអាមេរិក ។ ទោះបីជាយ៉ាងណាក៏ដោយ ព្រះអង្គបានចំណាយពេលច្រើនទសវត្សរ៍នៅប្រទេសប៉េរូ និងមានសញ្ជាតិ ២ ។ ដំបូងព្រះអង្គគឺជាសាសនទូតនៅប្រទេសប៉េរូ ហើយក្រោយមកក្លាយជាសម្តេចសង្ឃនៅសហគមន៍ព្រះវិហារ Diocese of Chiclayo ចាប់ពីឆ្នាំ ២០១៥ ដល់ឆ្នាំ ២០២៣ ។

 មិត្តជិតស្និតម្នាក់របស់ទ្រង់ និយាយថា ព្រះអង្គគឺជាអ្នកគាំទ្រដ៏មុតមាំមួយអង្គរបស់អតីតសម្តេចប៉ាប ហ្វ្រង់ស៊ីស ជាពិសេសលើបញ្ហាយុត្តិធម៌សង្គម ។

 មន្រ្តីកាតូលិកមួយរូបនៅទីក្រុង Chiclayo និយាយថា សម្តេចសង្ឃ Prevost គឺជាបុគ្គលដ៏សាមញ្ញបំផុត ដែលតែងតែយាងចេញទៅក្រៅតាមផ្លូវរបស់ទ្រង់ ដើម្បីជួយដល់មនុស្សដទៃ ។

 លោកនិយាយប្រាប់ទីភ្នាក់ងារព័តឥមានរ៉យទ័រថា សម្តេចសង្ឃ Prevost បានគាំពារជនអន្តោប្រវេសន៍វេណេស៊ុយអេឡា នៅប្រទេសប៉េរូ ឲ្យពួកគេគេចផុតពីវិបត្តិសេដ្ឋកិច្ចនៅក្នុងប្រទេសកំណើតរបស់ពួកគេ ។

 ប្រវត្តិបំពានផ្លូវភេទរបស់សម្តេចសង្ឃ Prevost ដែលជាបញ្ហាសំខាន់សម្រាប់ព្រះវិហារសកលលោក ពុំត្រូវបានពិនិត្យយ៉ាងដិតដល់ជាសាធារណៈនោះទេ ។ ក្រុមទំនួលខុសត្រូវសម្តេចសង្ឃ គឺជាក្រុមមួយដែលតាមដានការបំពានផ្លូវភេទរបស់បុព្វជិត បាននិយាយនៅក្នុងសេចក្តីថ្លែងការណ៍ដោយកោតសរសើរសម្តេចសង្ឃ Prevost សម្រាប់កិច្ចខិតខំរបស់ទ្រង់ជួយដល់ជនរងគ្រោះបំពានផ្លូវភេទម្នាក់នៅប្រទេសប៉េរូ ។

 សម្តេចប៉ាបលើកចុងក្រោយគេទទួលយកព្រះនាម លីអូ គឺសម្តេចប៉ាប លីអូ ទី ១៣ កាលពីចុងទសវត្សរ៍ឆ្នាំ ១៨០០ ។ រឿងទី ១ ព្រះអង្គផ្តោតសំខាន់សិទ្ធិអំណាចរបស់ទ្រង់លើការគាំទ្រសិទ្ធិកម្មករ និងលក្ខខណ្ឌប្រាក់បៀវត្សរ៍សមរម្យ ។ រឿងទី ២ ជម្រើសភាសារបស់ទ្រង់ ។ គ្មានសុន្ទកថារបស់សម្តេចប៉ាប លីអូ អង្គណាជាភាសាអង់គ្លេសនោះទេ ប៉ុន្តែជាភាសាអ៊ីតាលី ។ ព្រះបន្ទូលជាសាធារណៈលើកដំបូងរបស់ទ្រង់ បានបញ្ជាក់យ៉ាងច្បាស់ពីតម្រូវការសន្តិភាព គឺជាអ្វីដែលសម្តេចប៉ាប ហ្វ្រង់ស៊ីសតែងតែផ្តោតសំខាន់ផងដែរ ៕