អ្នកនាំពាក្យក្រសួងការបរទេសចិនលោក Lin Jian និយាយក្នុងសន្និសីទសារព័ត៌មាននាថ្ងៃសុក្រនេះថា ចិនបានផ្ញើរសារអបអរសាទរដល់សម្តេចប៉ាប លីអូ ទី ១៤ ដែលទើបជ្រើសតាំងថ្មី ហើយសង្ឃឹមថា បុរីវ៉ាទីកង់ក្រោមសម្តេចសង្ឃថ្មី នឹងបន្តសន្ទនាជាមួយទីក្រុងប៉េកាំង ក្នុងស្មារតីស្ថាបនា ។

លោក Jian និយាយថា ពួកយើងសូមអបអរសាទរសម្តេចសង្ឃ Robert Prevost សម្រាប់ការជ្រើសតាំងរបស់ព្រះអង្គជាសម្តេចប៉ាបថ្មី ។ ពួកយើងសង្ឃឹមថា ក្រោមការដឹកនាំរបស់សម្តេចប៉ាបថ្មី បុរីវ៉ាទីកង់ នឹងបន្តចូលរួមកិច្ចសន្ទនាជាមួយចិន ដោយសា្មរតីស្ថាបនា មានទំនាក់ទំនងដ៏ស៊ីជម្រៅ លើបញ្ហាអន្តរជាតិ រួមគ្នាលើកកម្ពស់ការកែលម្អជាបន្តបន្ទាប់ទំនាក់ទំនងជាមួយប្រទេសចិន និងរួមចំណែកសន្តិភាពពិភពលោក ស្ថិរភាព ការអភិវឌ្ឍ និងការអភិវឌ្ឍប្រកបដោយវិបុលភាព ។

ទីភ្នាក់ងារព័ត៌មានរដ្ឋចិនស៊ីនហួ រាយការណ៍ថា សមាគមអ្នកស្នេហាកាតូលិកចិន និងសន្និសីទវិហារកាតូលិកសម្តេចសង្ឃ ដែលជាក្រុមសាសនាគាំទ្ររដ្ឋាភិបាលចិន បានផ្ញើរសារអបអរសាទរផងដែរ ។

កាលពីខែតុលា ឆ្នាំមុន ចិន និងបុរីវ៉ាទីកង់ បានបន្តរយៈពេល ៤ឆ្នាំនៃកិច្ចព្រមព្រៀងជាប្រវត្តិសាស្រ្តឆ្នាំ ២០១៨ ដែលត្រូវបានចុះហត្ថលេខាពេលដែលសម្តេចសង្ឃហ្វ្រង់ស៊ីសនៅជាសម្តេចប៉ាប លើការតែងតាំងសម្តេចសង្ឃកាតូលិកនៅប្រទេសចិន ៕