សម្រាប់អ្នកកាន់សាសនាកាតូលិកអាមេរិក ការលើកព្រះអង្គ Robert Prevost ឲ្យក្លាយជាសម្តេចប៉ាប គឺជាការភ្ញាក់ផ្អើល និងជាមូលហេតុសម្រាប់ការប្រារព្ធពិធី។ ប៉ុន្តែទោះបីជាមានការស្វាគមន៍យ៉ាងកក់ក្តៅដំបូងក៏ដោយ ក៏ព្រះវិហារកាតូលិកនៅសហរដ្ឋអាមេរិកដែលខ្វែងគំនិតគ្នាយ៉ាងខ្លាំង នៅទីបំផុតបានធ្វើឲ្យមានបញ្ហាប្រឈមដ៏ខ្លាំងក្លាជាច្រើនសម្រាប់សម្តេចប៉ាប ឡេអូ ទី១៤។

បញ្ហាអន្តោប្រវេសន៍ អ្នកស្រឡាញ់ភេទដូចគ្នា បម្រែបម្រួលអាកាសធាតុ និងតួនាទីរបស់ស្ត្រីក្នុងព្រះវិហារ គឺជាបញ្ហាសំខាន់។ ហើយការខ្វែងគំនិតគ្នាបានរីកកាន់តែធំក្នុងប៉ុន្មានឆ្នាំចុងក្រោយនេះ។ នៅក្នុងនយោបាយរបស់ខ្លួន ក្រុមអ្នកកាន់សាសនាកាតូលិកនៅសហរដ្ឋអាមេរិក បានផ្លាស់ប្តូរការអភិរក្សកាន់តែច្រើន ដោយប្រព័ន្ធផ្សព្វផ្សាយស្តាំនិយម និងសង្រ្គាមវប្បធម៌សម័យលោកTrump រួមទាំងការផ្លាស់ប្តូរដ៏ច្រើននៅក្នុងព្រះវិហារ។

លោក Trump ដែលគណៈរដ្ឋមន្ត្រីមានប្រហែលមួយភាគបីនៃអ្នកកាន់សាសនាកាតូលិក បានបង្ហាញមោទនភាពដែលមានជនជាតិអាមេរិកម្នាក់ទទួលភារកិច្ចនៅបុរីវ៉ាទីកង់។ 

សម្តេចប៉ាបឡេអូ ទី១៤ បានប្រារព្ធពិធីដ៏ធំមួយរបស់ព្រះអង្គ ក្នុងនាមជាមេដឹកនាំសាសនារ៉ូម៉ាំងកាតូលិករបស់ពិភពលោក។ ព្រះអង្គបានអធិស្ឋានសុំឲ្យព្រះវិហារបម្រើជា «ភ្លើងបំភ្លឺរាត្រីដែលងងឹតនៅក្នុងពិភពលោកនេះ»។ ប្រជាជនអាមេរិក រីករាយចំពោះសម្តេចប៉ាបដំបូងរបស់សហរដ្ឋអាមេរិក។ 

បុរសម្នាក់នៅទីក្រុងឈីកាហ្គោ បាននិយាយថា «ខ្ញុំចង់ឱ្យព្រះអង្គបន្តដំណែលរបស់សម្តេចប៉ាប ហ្វ្រង់ស៊ីស ដោយបើកចិត្តទូលាយ ជួយអ្នកក្រីក្រ និងបញ្ចៀសសង្រ្គាម»។