មុនដំណើរទស្សនកិច្ចរបស់ប្រធានាធិបតីអាមេរិក Donald Trump ទៅកាន់មជ្ឈិមបូព៌ានៅសប្តាហ៍ក្រោយ ជនជាតិអ៊ីស្រាអែលបានចេញតវ៉ាតាមផ្លូវនៅទីក្រុង Tel Aviv នៅចុងសប្ដាហ៍នេះ ដោយអំពាវនាវឱ្យមានការអន្តរាគមន៍របស់លោកដើម្បីបញ្ចប់សង្រ្គាមនៅហ្កាហ្សា និងការដោះលែងចំណាប់ខ្មាំងដែលនៅសេសសល់។

លោក Trump ដែលស្វែងរកកិច្ចព្រមព្រៀងដ៏សំខាន់មួយដែលនឹងមើលឃើញអ៊ីស្រាអែល និងអារ៉ាប៊ីសាអ៊ូឌីតបង្កើតទំនាក់ទំនងការទូត  នឹងទៅបំពេញទស្សនកិច្ចនៅអារ៉ាប៊ីសាអ៊ូឌីត កាតា និងអារ៉ាប់រួមនៅសប្តាហ៍ក្រោយ។

តំបន់ហ្កាហ្សាបានហែលឆ្លងសង្រ្គាមរយៈពេល១៩ ខែ នៃការវាយប្រហារតាមអាកាស និងលើដីរបស់អ៊ីស្រាអែលប្រឆាំងនឹងក្រុមហាម៉ាស ដែលបានបំផ្លាញហេដ្ឋារចនាសម្ព័ន្ធជាច្រើន និងបានបង្ខំឲ្យប្រជាពលរដ្ឋភាគច្រើន នៃចំនួនប្រជាជន ២,៣ លាននាក់របស់ខ្លួន រត់ភៀសខ្លួនជាច្រើនដង។

ចាប់តាំងពីការដួលរលំនៃកិច្ចព្រមព្រៀងបទឈប់បាញ់កាលពីខែមីនាមក ទាហានអ៊ីស្រាអែលបាននិងកំពុងទន្ទ្រានយកដីកាន់តែធំនៅក្នុងតំបន់ហ្កាហ្សា ដោយបានបង្រួញទីតាំងសម្រាប់ប្រជាជនចំនួន ២,៣លាននាក់ កាន់តែតូចចង្អៀតមិនធ្លាប់មាននៅកណ្តាលនៃឧបទ្វីបនេះ និងតាមបណ្តោយឆ្នេរសមុទ្រ និងបិទច្រកចូលរបស់រថយន្តដឹកជំនួយ៕