ប្រទេសអ៊ីរ៉ង់ និងសហរដ្ឋអាមេរិក បានបញ្ចប់កិច្ចចរចានុយក្លេអ៊ែរនៅក្នុងប្រទេសអូម៉ង់ កាលពីថ្ងៃអាទិត្យ ដោយទំនងជាគ្មានវឌ្ឍនភាពលើភាពជាប់គាំងជាសាធារណៈជុំវិញការចម្រាញ់សារធាតុអ៊ុយរ៉ានីញ៉ូម ប៉ុន្តែភាគីទាំងពីរបានបញ្ជាក់ពីផែនការសម្រាប់ការចរចានាពេលអនាគត។

នេះគឺជាជុំទីបួននៃកិច្ចចរចា ដែលបានចាប់ផ្តើមជិតមួយខែកន្លងទៅនេះ ជាការកត់សម្គាល់ទំពីនាក់ទំនងកម្រិតខ្ពស់បំផុតរវាងសត្រូវទាំងពីរចាប់តាំងពីទីក្រុងវ៉ាស៊ីនតោន ដកខ្លួនចេញនៅឆ្នាំ ២០១៨ ពីកិច្ចព្រមព្រៀងនុយក្លេអ៊ែរដ៏សំខាន់ ក្នុងអំឡុងអាណត្តិដំបូងរបស់ប្រធានាធិបតី លោក Donald Trump ។

ភាគីទាំងពីរបានរាយការណ៍ពីវឌ្ឍនភាពនៅក្នុងជុំបីកន្លងទៅ ហើយកាលពីថ្ងៃអាទិត្យ អ៊ីរ៉ង់ បាននិយាយថា កិច្ចប្រជុំនេះគឺ «ពិបាក ប៉ុន្តែមានការស្ថាបនា»។ មន្ត្រី ដែលនិយាយក្នុងលក្ខខណ្ឌមិនបញ្ចេញឈ្មោះបាននិយាយថា ទីក្រុងវ៉ាស៊ីនតោន «ត្រូវបានជំរុញ ដោយមានលទ្ធផលនៅថ្ងៃនេះ ហើយទន្ទឹងរង់ចាំកិច្ចប្រជុំបន្ទាប់របស់យើង ដែលនឹងធ្វើឡើងក្នុងពេលដ៏ខ្លីខាងមុខ» ប៉ុន្តែពុំបានបានបញ្ជាក់ថានៅពេលណានោះទេ។

នៅក្នុងបង្ហោះនៅលើបណ្តាញ X អ្នកនាំពាក្យក្រសួងការបរទេសអ៊ីរ៉ង់ លោក Esmaeil Baqaei បាននិយាយថា «ជុំបន្ទាប់ នឹងត្រូវបានសម្របសម្រួលនិងត្រូវបានប្រកាសដោយប្រទេសអូម៉ង់» និងបាននិយាយថា «កិច្ចពិភាក្សានឹងធ្វើឡើងនៅពេលដែលភាគីទាំងពីរ ពិភាក្សាពីភាពជាអ្នកដឹកនាំរបស់ខ្លួន» ។

យោងតាមមន្ត្រីអាមេរិកបានឲ្យដឹងថា កិច្ចពិភាក្សាកាលពីថ្ងៃអាទិត្យគឺ «ដោយផ្ទាល់ និងដោយប្រយោល ហើយមានរយៈពេលជាងបីម៉ោង»។ «កិច្ចព្រមព្រៀងត្រូវបានឈានដល់ដើម្បីឆ្ពោះទៅមុខ» និង «បន្តធ្វើការតាមរយៈចំណុចសំខាន់ៗនៃបច្ចេកទេស» ។ លោក Baqaei ធ្លាប់បាននិយាយថា ក្រុមអ្នកចរចា នឹងជំរុញឱ្យមានការបន្ធូរបន្ថយទណ្ឌកម្មពីសហរដ្ឋអាមេរិក។