អាជ្ញាធរប៉ូឡូញកាលពីថ្ងៃអាទិត្យ បានចោទប្រកាន់សេវាស៊ើបការណ៍សម្ងាត់របស់រុស្ស៊ីពីបទបង្កឲ្យអគ្គិភ័យឆាបឆេះដែលបានបំផ្លាញមជ្ឈមណ្ឌលផ្សារទំនើបដ៏ធំមួយ កាលពីឆ្នាំមុន នៅក្នុងរដ្ឋធានីវ៉ាសូវី។ 

ចាប់តាំងពីការវាយលុកនៅខែកុម្ភៈឆ្នាំ ២០២២ របស់រុស្ស៊ីប្រឆាំងនឹងអ៊ុយក្រែន ប៉ូឡូញ ដែលជាសម្ព័ន្ធមិត្តដ៏ស្មោះត្រង់របស់ទីក្រុងគីវ បានអះអាងថា ជាគោលដៅនៃការប៉ុនប៉ងបំផ្លិចបំផ្លាញ ដែលពួកគេបាន បន្ទោសទៅលើប្រទេសរុស្ស៊ី។

នៅខែឧសភា ឆ្នាំ ២០២៤ ភ្លើងបានបំផ្លាញទាំងស្រុងនូវមជ្ឈមណ្ឌលផ្សារទំនើបដ៏ធំមួយ នៅទីក្រុងវ៉ាសូវី និងអាជីវកម្មខ្នាតតូចចំនួន ១.៤០០ ដែលមានទីតាំងនៅក្នុងផ្សារនេះ ដែលភាគច្រើនជាកម្មសិទ្ធិរបស់សមាជិកនៃសហគមន៍វៀតណាម។

អាជ្ញាធរបានបើកការស៊ើបអង្កេតភ្លាមៗ ប៉ុន្តែរហូតមកដល់ពេលនេះ បានជៀសវាងពីការបន្ទោសទៅលើ   ទីក្រុងមូស្គូ។

នាយករដ្ឋមន្ត្រីប៉ូឡូញ លោក Donald Tusk បាននិយាយនៅលើទូរទស្សន៍ X ថា៖«ឥឡូវនេះ យើងដឹងច្បាស់ថា អគ្គិភ័យដ៏ធំដែលបានឆាបឆេះមជ្ឈមណ្ឌលផ្សារទំនើប Marywilska ក្នុងទីក្រុងវ៉ាសូវី គឺបណ្តាលមកពីការដុតភ្លើងដែលត្រូវបានបញ្ជាដោយសេវាកម្មពិសេសរបស់រុស្ស៊ី»។

ក្រសួងយុត្តិធម៌ និងក្រសួងមហាផ្ទៃ បាននិយាយនៅក្នុងសេចក្តីថ្លែងការណ៍រួមដាច់ដោយឡែកមួយកាលពីថ្ងៃអាទិត្យថា ជនដៃដល់មួយចំនួន ត្រូវបានឃាត់ខ្លួនរួចហើយ ខណៈដែលអ្នកផ្សេងទៀត ត្រូវបានកំណត់អត្តសញ្ញាណ ប៉ុន្តែនៅមិនទាន់ចាប់ខ្លួនបាន។