​អង់គ្លេស៖ រដ្ឋមន្ត្រី​ក្រសួងសុខាភិបាល​របស់​ចក្រភព​អង់គ្លេសបានប្រកាសថា ផ្នែក​សេវា​សុខាភិបាលរបស់ប្រទេស​កំពុង​ត្រលប់​មករក​កម្រិត​ខ្ពស់​ឡើងវិញ​នៃ​ការត្រៀម​សង្គ្រោះបន្ទាន់ ខណៈដែល​ការចូលសម្រាក​នៅ​មន្ទីរពេទ្យ និង​ករណី​ស្លាប់​ដោយសារ​វីរុស​ប​ម្លែ​ង​ខ្លួន​ថ្មី Omicron ត្រូវបាន​គេ​រំពឹងថា ​នឹងកើនឡើង​ខ្លាំងនៅក្នុង​ប៉ុន្មាន​សប្តាហ៍​ខាងមុខនេះ​។​

​និយាយ​ទៅកាន់​សមាជិកសភាកាលពី​ថ្ងៃ​ចន្ទ លោក Sajid Javid បាន​និយាយថា ចំនួន​កំណត់ត្រានៃ​ការចាក់​វ៉ាក់សាំង​បង្ការ​វីរុស​ COVID-19 ​ដូ​ស​ជំរុញ​នឹងត្រូវ​ផ្តល់​ក្នុង​រយៈពេល​ប៉ុន្មាន​សប្តាហ៍​ខាងមុខ ដើម្បី​ទប់ស្កាត់​ការ​រាលដាល​វីរុស​ប​ម្លែ​ង​ថ្មី Omicron ។ ​យោងតាម​ទីភ្នាក់​ងារ​សន្តិសុខ​សុខភាព​ចក្រភព​អង់គ្លេស​បាន​ឲ្យ​ដឹងថា វា​ត្រូវបាន​គេ​រំពឹងថា វីរុស​ប​ម្លែ​ង​ខ្លួន​ថ្មីនឹង​ក្លាយជា​វីរុស​លេចធ្លោ​នៅក្នុង​រដ្ឋធានី​របស់​ច​ក្រ​ភព​អង់គ្លេសក្នុង​រយៈពេល ៤៨​ម៉ោងខាងមុខ ដោយ​វា​មាន​ចំនួន ៤៤% នៃ​ករណី​ឆ្លង​វីរុស​រួចទៅហើយ​។​ ​លោក Javid បាន​និយាយថា ​ចក្រភព​អង់គ្លេស​បាន​ជាប់គាំង​នៅក្នុង​ការជំរុញ​រវាង​វីរុស និងវ៉ាក់សាំង​ បន្ទាប់ពី​រដ្ឋាភិបាល​បានប្រកាស​ពី​បំណង​របស់ខ្លួន​ ក្នុងការ​ចាប់ផ្តើម​កម្មវិធីចាក់​វ៉ាក់សាំង​ដូ​សជំរុញ​ឆាប់រហ័ស​។

អ្នកជំងឺ​ប្រមាណ ១០​នាក់​ស្ថិតនៅក្នុង​មន្ទីរពេទ្យចក្រភព​អង់គ្លេសឆ្លង​វីរុសប​ម្លែ​ង​ខ្លួន​ថ្មី Omicron ហើយ​លោកនាយករដ្ឋមន្ត្រី Boris Johnson កាលពី​ថ្ងៃ​ចន្ទ​បាន​និយាយ​ក្នុង​របាយការណ៍ ពី​ករណី​ស្លាប់​ដំបូង​ដោយសារវីរុស​ប​ម្លែ​ង​ខ្លួន​ថ្មី Omicron នៃ​វីរុស ​COVID-19 របស់​ប្រទេស​។ ចក្រភព​អង់គ្លេស​មាន​ករណី​ឆ្លង​វីរុស COVID-19 សរុប ១០,៨៧៣,៤៦៨​ករណី និង​មាន​អ្នក​ស្លាប់ ១៤៦,៤៧៧​នាក់​៕

អត្ថបទ៖ ប៊ុនថន