អង្គុយលើសំណល់ឈើតូចមួយដុំ នៅក្នុងតំបន់ Darfur ដែលត្រូវបានវាយដោយសង្រ្គាម ក្នុងប្រទេសស៊ូដង់ អ្នកស្រី Aziza Ismail Idris បានកូរបបរទឹកមួយចាន ដែលជាអាហារតែមួយគត់ដែលគ្រួសាររបស់អ្នកស្រី មានជាច្រើនថ្ងៃហើយ។

អ្នកស្រី Idris បានប្រាប់ទីភ្នាក់ងារសារព័ត៌មាន AFP ដោយសំឡេងអស់កម្លាំងថា៖«គ្មានអង្គការណាមួយ មកជួយយើងទេ។ គ្មានទឹក គ្មានអាហារ សូម្បីតែនំសម្រាប់កុមារក៏គ្មានដែរ»។ 

ដោយបានភៀសខ្លួនពីការវាយប្រហារដ៏ឃោរឃៅដោយយោធា កាលពីខែមុនលើជំរំ Zamzam ដែលជាជំរំភៀសខ្លួនដ៏ធំបំផុតមួយរបស់ប្រទេសស៊ូដង់ អ្នកស្រីនិងកូន ៥នាក់របស់ខ្លួន ស្ថិតក្នុងចំណោមមនុស្សប្រមាណ ៣០០.000នាក់ ដែលបានមកដល់ទីក្រុងកសិកម្មតូច Tawila។ នេះបើយោងតាមអង្គការសហប្រជាជាតិ។

អ្នកស្រី បាននិយាយថា៖«យើងបានមកទីនេះ ដោយជើងទទេដោយគ្មានអ្វីសោះ ដោយរំលឹកអំពីការរត់គេចពីជំរំ Zamzam មានចម្ងាយប្រហែល ៦០គីឡូម៉ែត្រ (៣៧ម៉ាយ) ហើយជំរំនេះ ក៏ស្ថិតនៅក្នុងតំបន់ Darfur ភាគខាងលិចដ៏ធំ»។

ជាក់ស្តែង អង្គការជំនួយមួយចំនួន ខ្វះមធ្យោបាយ ដើម្បីបំពេញតម្រូវការបន្ទាន់របស់ជនភៀសខ្លួនជា   ច្រើន។