ភ្នំភ្លើង Etna ចាប់ផ្តើមកម្រើកខ្លាំងឡើងវិញកាលពីយប់ថ្ងៃចន្ទ ជាមួយនឹងការព្រួសកម្អែ និងផេះឡើងលើផ្ទៃអាកាសកោះ Sicily ប្រទេសអ៊ីតាលី ។

 ភ្នំ Etna ដែលជាភ្នំភ្លើងកម្រើកខ្លាំងបំផុតរបស់អឺរ៉ុប បានកម្រើកកាន់តែខ្លាំងជាមួយសកម្មភាពព្រួសកម្អែ និងផេះញឹកញាប់ចេញពីមាត់ភាគអាគ្នេយ៍របស់វា ។

 ការផ្ទះភ្នំភ្លើងនេះ បានធ្វើឲ្យកម្អែហូរ ២ច្រកទៅភាគខាងត្បូង និងភាគខាងកើត ។

 សំណុំផេះ កំពុងព្រួសទៅទិសអាគ្នេយ៍ នាំឲ្យមានសេចក្តីរាយការណ៍ថា ផេះភ្នំភ្លើងបានធ្លាក់នៅទីក្រុង Zafferana Etnea ។

 ប្រភពនៃការកម្រើកនេះ ស្ថិតនៅក្រោមមាត់ភ្នំភាគអាគ្នេយ៍ ស្ថិតនៅកម្ពស់ ២.៩០០ម៉ែត្រពីលើនីវ៉ូទឹកសមុទ្រ ។

 ការកម្រើកនេះដែរ ស្ថិតក្នុងកម្រិតខ្ពស់ផងដែរ ទាំងប្រេកង់ និងថាមពល ស្ថិតនៅជុំវិញមាត់ភ្នំភ្លើងតែមួយ ៕