តំណាងអចិន្ត្រៃយ៍របស់សហរដ្ឋអាមេរិកប្រចាំអង្គការណាតូលោក Matthew Whitaker បានថ្លែងប្រាប់អ្នកយកព័ត៌មានថា ទីក្រុងវ៉ាស៊ីនតោន និងអឺរ៉ុប បន្តពិភាក្សាអំពីសេណារីយោសម្រាប់ការដាក់ពង្រាយកងទ័ពរបស់លោកខាងលិច នៅលើទឹកដីអ៊ុយក្រែន ប្រសិនបើកិច្ចព្រមព្រៀងសន្តិភាពជាមួយរុស្ស៊ី ត្រូវបាន  សម្រេច។ 

នៅពេលសួរថាតើទីក្រុងវ៉ាស៊ីនតោន បានត្រៀមខ្លួនរួចជាស្រេចក្នុងការផ្តល់ជំនួយដល់ទីក្រុងប្រ៊ុចសែល ដែលនឹងអនុញ្ញាតឲ្យអឺរ៉ុបបញ្ជូនកងទ័ពទៅកាន់អ៊ុយក្រែនឬទេ លោក Whitaker បានឆ្លើយក្នុងនាមជាអ្នកការទូតពិតម្នាក់ថា មិនមានឆន្ទៈក្នុងការប្តេជ្ញាចិត្តចំពោះបញ្ហានេះទេ។

លោកបានថ្លែងថា៖«ខ្ញុំគិតថា ប្រធានបទទាំងអស់នេះ គឺពាក់ព័ន្ធទាំងអស់។ «អ្នកដឹងហើយថា ទោះជាតួនាទីរបស់សហរដ្ឋអាមេរិក និងតួនាទីរបស់អឺរ៉ុប និងតួនាទីរបស់សម្ព័ន្ធមិត្តរបស់យើង សហរដ្ឋអាមេរិក នឹងអាចផ្តល់បាន។ ប៉ុន្តែការចរចា ការសម្រេចចិត្ត ទាំងអស់នោះ ចុងក្រោយគឺអាស្រ័យលើប្រធានាធិបតីសហរដ្ឋអាមេរិក»។

លោកបានបន្តថា៖«ខ្ញុំគិតថា អ្វីៗ គឺស្ថិតនៅការពិភាក្សា ដើម្បីព្យាយាមទទួលបានកិច្ចព្រមព្រៀងសន្តិ   ភាព។

អ្នកការទូតអាមេរិករូបនេះ បានបន្ថែមថា៖« នៅទីបំផុតភាគីទាំងពីរ រុស្ស៊ី និងអ៊ុយក្រែន នឹងត្រូវយល់ព្រមលើកិច្ចព្រមព្រៀងនោះ ហើយបន្ទាប់មកកិច្ចព្រមព្រៀង នឹងត្រូវធ្វើឡើង»។ «តួនាទីរបស់អឺរ៉ុប តួនាទីរបស់សហរដ្ឋអាមេរិក ខ្ញុំគិតថា អ្វីៗ ត្រូវបានចរចាដោយលោកប្រធានាធិបតី ត្រាំ និងក្រុមរបស់លោក»។

រដ្ឋមន្ត្រីការបរទេសរុស្ស៊ី លោក សឺហ្គេ ឡាវរ៉ូវ (Sergey Lavrov) បាននិយាយម្តងហើយម្តងទៀតថា វត្តមានរបស់កងទ័ពណាតូ នៅក្រោមទង់ណាមួយ និងក្នុងសមត្ថភាពណាមួយ នៅលើដីអ៊ុយក្រែន គឺជាការគំរាមកំហែងដល់រុស្ស៊ី ហើយទីក្រុងមូស្គូ នឹងមិនទទួលយបានទេ ទោះបីស្ថិតនៅក្រោមលក្ខខណ្ឌណាក៏ដោយ។