អង្គការមនុស្សធម៌ដែលគាំទ្រដោយសហរដ្ឋអាមេរិក បាននិយាយកាលពីថ្ងៃពុធថា ខ្លួននឹងចាប់ផ្តើមប្រតិបត្តិការ នៅតំបន់ហ្កាហ្សា នៅចុងខែឧសភានេះ ហើយបានស្នើសុំឲ្យអ៊ីស្រាអែលអនុញ្ញាតឲ្យជំនួយចាប់ផ្តើមហូរចូល ទៅក្នុងតំបន់ឥឡូវនេះ ក្រោមនីតិវិធីដែលមានស្រាប់ រហូតដល់នីតិវិធីថ្មី ត្រូវបានបង្កើតឡើង។

គ្មានជំនួយមនុស្សធម៌ណាមួយ ត្រូវបានបញ្ជូនទៅតំបន់ហ្កាហ្សា ចាប់តាំងពីថ្ងៃទី ០២ ខែមីនា ហើយក្រុមអ្នកឃ្លាំមើលការស្រេកឃ្លានជាសកល បានព្រមានថា មនុស្សកន្លះលាននាក់ប្រឈមនឹងការអត់ស្បៀងអាហារ គឺមួយភាគបួននៃចំនួនប្រជាជននៅក្នុងតំបន់នេះ។

ចាប់តាំងពីសង្គ្រាមនៅហ្កាហ្សា បានចាប់ផ្តើម នៅក្នុងខែតុលា ឆ្នាំ ២០២៣ ការផ្តល់ជំនួយត្រូវបានគ្រប់គ្រងដោយក្រុមជំនួយអន្តរជាតិ និងអង្គការអង្គការសហប្រជាជាតិ។

មូលនិធិមនុស្សធម៌ហ្កាហ្សា (GHF) ដែលទើបបង្កើតថ្មី នឹងជំនួសមកវិញនូវការចែកចាយជំនួយ នៅក្នុងតំបន់ហ្កាហ្សា ពីកន្លែងចែកចាយដែលមានសុវត្ថិភាព ប៉ុន្តែបាននិយាយថា ផែនការបច្ចុប្បន្នរបស់អ៊ីស្រា     អែលក្នុងការអនុញ្ញាតឲ្យមានទីតាំងបែបនេះ តែពីរបីកន្លែង នៅភាគខាងត្បូងហ្កាហ្សាប៉ុណ្ណោះ ដែលត្រូវការពង្រីក ដើម្បីរួមបញ្ចូលភាគខាងជើងផងដែរនោះ។

នាយកប្រតិបត្តិរបស់មូលនិធិ លោក Jake Wood បានសរសេរនៅក្នុងលិខិតមួយទៅកាន់រដ្ឋាភិបាលអ៊ីស្រាអែលថា៖«មូលនិធិមនុស្សធម៌ហ្កាហ្សា (GHF)សង្កត់ធ្ងន់ថា ការឆ្លើយតបផ្នែកមនុស្សធម៌ដែលទទួលបានជោគជ័យនៅទីបំផុតត្រូវតែរួមបញ្ចូលប្រជាជនស៊ីវិលទាំងមូល នៅក្នុងតំបន់ហ្កាហ្សា»។