លោកនាយករដ្ឋមន្ត្រី Keir Starmer កំពុងដើរលើផ្លូវល្អមួយ ដើម្បីស្តារទំនាក់ទំនងរវាងចក្រភពអង់គ្លេស-សហភាពអឺរ៉ុប ឡើងវិញ ខណៈដែលក្រុមស្តាំនិយម ទទួលបានផលចំណេញ នៅពេលដែលអង់គ្លេចចាកចេញពីEU ( Brexit) និងអន្តោប្រវេសន៍ នៅតែជាបញ្ហាដ៏ធ្ងន់ធ្ងរ នៅក្នុងទីក្រុងឡុងដ៍។

មេដឹកនាំគណបក្សការងារ នឹងធ្វើជាម្ចាស់ផ្ទះទទួលប្រធានសហភាពអឺរ៉ុប នៅទីក្រុងឡុងដ៍ នៅថ្ងៃចន្ទសម្រាប់កិច្ចប្រជុំកំពូលដ៏ធំមួយ ដែលត្រូវបានធ្វើឡើង ដើម្បីធ្វើឲ្យដំណើរការទំនាក់ទំនងកាន់តែស៊ីជម្រៅរវាងចក្រភពអង់គ្លេសនិងប្លុកនេះ ជាងការចរចាដោយរដ្ឋាភិបាលអភិរក្សមុន។

ប៉ុន្តែលោក Starmer នឹងប្រយ័ត្នប្រយែង ក្នុងការផ្តល់គ្រាប់រំសេវដល់គណបក្សកំណែទម្រង់អង់គ្លេស ដែលមានជំហរប្រឆាំងអឺរ៉ុបរបស់លោក Nigel Farage ខណៈដែលដឹងថា ប្រធានាធិបតីអាមេរិកលោក ដូណាល់ ត្រាំ មើលឃើញថា EU មានភាពវិជ្ជមាន។

លោក Richard Whitman អ្នកជំនាញគោលនយោបាយការបរទេសអង់គ្លេស បានថ្លែងថា៖«លោក Starmer កំពុងដើរផ្លុវពីរ ក្នុងពេលតែមួយ» ដោយពណ៌នាអំពីអន្តោប្រវេសន៍ ជាបញ្ហា «សំខាន់» នៅក្នុងចក្រភពអង់គ្លេស និងអាកប្បកិរិយារបស់លោក ត្រាំ ចំពោះសហភាពអឺរ៉ុបថា ជា «អរិភាព»។

សាស្ត្រាចារ្យផ្នែលនយោបាយរូបនេះ បានប្រាប់សារព័ត៌មាន AFPថា៖«លោក Starmer កំពុងធ្វើឲ្យមានតុល្យភាពលើបញ្ហាអន្តរជាតិដ៏ធំនេះ ហើយក៏ជារឿងនយោបាយក្នុងស្រុកផងដែរ ហើយនោះជាអ្វីដែលធ្វើឲ្យមានភាពស្មុកស្មាញសម្រាប់នាយករដ្ឋមន្ត្រីរូបនេះ។