ជំនួយការជាន់ខ្ពស់របស់ប្រធានទីប្រឹក្សាលោក Muhammad Yunus បាននិយាយថា ការបោះឆ្នោត គឺជាបញ្ហាផ្ទៃក្នុងរបស់ប្រទេសបង់ក្លាដែសទាំងមូល ដោយបន្ថែមថា ការហាមឃាត់គណបក្សរបស់អតីតនាយករដ្ឋមន្ត្រីលោក Sheikh Hasina គឺចាំបាច់ ដើម្បីការពារសន្តិសុខជាតិ និងអធិបតេយ្យភាព។

លោក Shafiqul Alam ដែលជាអ្នកនាំពាក្យរបស់លោកYunus កំពុងមានប្រតិកម្មចំពោះការព្រួយបារម្ភដែលលើកឡើង ដោយប្រទេសឥណ្ឌាលើការហាមឃាត់ ដែលដាក់លើសកម្មភាពនៃសម្ព័ន្ធ Awami របស់ លោកស្រីHasina។ ប្រទេសបង់ក្លាដែសកាលពីថ្ងៃចន្ទ បានរំសាយជាផ្លូវការនូវសម្ព័ន្ធ Awami ក្រោមច្បាប់ប្រឆាំងអំពើភេរវកម្ម ដែលបានកែសម្រួលរយៈពេលពេញមួយយប់។

ការបោះឆ្នោត គឺជាបញ្ហាផ្ទៃក្នុងរបស់យើងទាំងស្រុង។ លោក Alam បានប្រាប់ទីភ្នាក់ងារព័ត៌មានរដ្ឋបង់ក្លាដែស Sangbad Sangstha (BSS) កាលពីថ្ងៃអង្គារថា យើងជំរុញឲ្យទាំងអស់គ្នាគោរពឆន្ទៈអធិបតេយ្យរបស់ប្រជាជនរបស់យើង ក្នុងបញ្ហាទាក់ទងនឹងការបោះឆ្នោត។ លោក Alam បានបន្ថែមថា ការហាមឃាត់សកម្មភាពរបស់សម្ព័ន្ធ Awami គឺចាំបាច់ ដើម្បីការពារសន្តិសុខជាតិ និងអធិបតេយ្យភាព។

អ្នកនាំពាក្យក្រសួងការបរទេសឥណ្ឌា លោក Randhir Jaiswal កាលពីថ្ងៃអង្គារ បាននិយាយថា ការហាមប្រាមលើសម្ព័ន្ធ Awami ដោយគ្មានដំណើរការត្រឹមត្រូវ គឺជាបញ្ហាមួយគួរឲ្យព្រួយបារម្ភ។