ប្រធានាធិបតីស៊ីរីលោក Ahmed al-Sharaa បានចាត់ទុកការដកទណ្ឌកម្មលើស៊ីរី ប្រកាសដោយប្រធានាធិបតីសហរដ្ឋអាមេរិក ថាជាការសម្រេចិត្តជាប្រវត្តិសាស្រ្ត និងក្លាហាន ។

លោកបានអំពាវនាវផងដែរឲ្យក្រុមវិនិយោគិននៅជុំវិញពិភពលោក ទទួលបានអត្ថប្រយោជន៍ពីអ្វីដែលលោកចាត់ទុកថាជាឱកាសសម្រាប់វិស័យជាច្រើននៅក្នុងប្រទេសស៊ីរី ។

កាលពីព្រឹកថ្ងៃពុធ លោក Trumpបានជួបជាមួយលោក Sharaaនៅប្រទេសអារ៉ាប៊ីសាអ៊ូឌីត ក្រោយការប្រកាសដ៏គួរភ្ញាក់ផ្អើលរបស់សហរដ្ឋអាមេរិកថា ពួកគេនឹងដកទណ្ឌកម្មចេញទាំងអស់លើរដ្ឋាភិបាលដឹកនាំដោយអ៊ិស្លាមមួយនេះ ហើយលោក Trump និយាយថា ទីក្រុងវ៉ាស៊ីនតោន កំពុងស្វែងរកលទ្ធភាពនៃការធ្វើឲ្យមានទំនាក់ទំនងល្អប្រសើរវិញជាមួយទីក្រុងដាម៉ាស ។

ការដកទណ្ឌកម្មនេះ បានកើតមាន បើទោះបីជាមានភាពស្រពិចស្រពិលខ្លាំងរបស់អ៊ីស្រាអែលលើរដ្ឋបាលរបស់លោក Sharaa គឺជាក្តីបារម្ភមួយត្រូវបានចែករំលែកាលពីដំបូងផងដែរ ដោយក្រុមមន្រ្តីសហរដ្ឋអាមេរិកមួយចំនួន ។

ក្រុមមន្រ្តីអ៊ីស្រាអែលនៅតែបន្តចាត់ទុកលោក Sharaaថាជាជីហាដ បើទោះបីជារូបលោកផ្តាច់ទំនាក់ទំនងជាមួយក្រុមឧទ្ទាមអាល់កៃដា កាលពីឆ្នាំ ២០១៦ក៏ដោយ ។ រដ្ឋាភិបាលអ៊ីស្រាអែល ពុំបានឆ្លើយតបភ្លាមៗនោះទេចំពោះសំណើសុំសេចក្តីអត្ថាធិប្បាយ ។

ការសម្រេចចិត្តនេះដែរ គឺជាការជំរុញដ៏សំខាន់មួយសម្រាប់លោក Sharaaដែលជួបការលំបាកក្នុងការធ្វើឲ្យប្រទេសមួយនេះ ស្ថិតក្រោមការគ្រប់គ្រងទាំងស្រុងរបស់រដ្ឋាភិបាលក្រុងដាម៉ាស ក្រោយពីការផ្ទួលរំលំអតីតប្រធានាធិបតីលោក Bashar al-Assad កាលពីខែធ្នូ ឆ្នាំមុន ៕