ក្រុមជំនុំជំនឿសាសនាតែមួយឥណ្ឌូនេស៊ី គឺជាក្រុមជំនុំព្រះវិហារនៅតំបន់ប៉ាពួ និយាយនាថ្ងៃព្រហស្បតិ៍នេះថា ជនស៊ីវិល ៣នាក់ ត្រូវបានសម្លាប់ អំឡុងការផ្ទុះអាវុធរវាងទាហាន និងក្រុមឧទ្ទាម បើទោះបីជាចំនួនគ្រោះថ្នាក់ពិតប្រាកដ ត្រូវការស៊ើបអង្កេតបន្ថែមទៀតក៏ដោយ ។

លោក Ronald Richard Tapilatu គឺមេដឹកនាំក្រុមជំនុំនៅប៉ាពួ និយាយនៅក្នុងសន្និសីទសារព័ត៌មានដោយលើកឡើងសេចក្តីរាយការណ៍ពីវិហារក្នុងស្រុកថា ការវាយប្រហារនេះ បានកើតឡើង ពេលអ្នកភូមិដេកលង់លក់ ហើយលោកសូមធ្វើការអំពាវនាវឲ្យបញ្ចប់ប្រតិបត្តិការយោធានៅតំបន់ប៉ាពួ ។

ក្រុមឧទ្ទាមបានប្រយុទ្ធទាមទារឯករាជ្យនៅតំបន់ប៉ាពួសម្បូរធនធានមួយនេះ ស្ថិតនៅជាប់ព្រំដែនប្រទេសប៉ាពួ ញូវហ្គីណេ ចាប់តាំងពីតំបន់មួយនេះ ស្ថិតក្រោមការគ្រប់គ្រងដោយជម្លោះរបស់ឥណ្ឌូនេស៊ីវិញ បន្ទាប់ពីការការកាន់កាប់របស់ហូឡង់ នៅការបោះឆ្នោតមួយ ត្រូវបានត្រួតត្រាដោយអង្គការសហប្រជាជាតិ កាលពីឆ្នាំ ១៩៦៩ ។

ក្រុមឧទ្ទាមបានចាប់ជនបរទេសជាចំណាប់ខ្មាំង រួមទាំងក្រុមស្រាវជ្រាវសត្វព្រៃ ២៦នាក់កាលពីឆ្នាំ ១៩៩៦ ហើយនិងអ្នកបើកបរយន្តហោះជនជាតិណូវែលសេឡង់ម្នាក់ ដែលត្រូវបានដោះលែងឲ្យមានសេរីភាពវិញកាលពីឆ្នាំមុន ក្រោយចាប់ខ្លួនអស់រយៈពេល ១៩ខែ ។

កាលពីខែមុន ក្រុមឧទ្ទាមនិយាយថា ពួកគេបានសម្លាប់មនុស្សជាង ១៧នាក់ ដែលពួកគេនិយាយថា គឺជាទាហានក្លែងបន្លំខ្លួនធ្វើជាកម្មកររ៉ែមាស ។

យោងតាមសេចក្តីថ្លែងការណ៍ បានឲ្យដឹងថា យោធាឥណ្ឌូនេស៊ី បានដាក់ពង្រាយទាហានរបស់ខ្លួនទៅកាន់តំបន់ប៉ាពួ សម្រាប់ប្រតិបត្តិការកាលពីថ្ងៃពុធ ដើម្បីឃ្លាំមើលសកម្មភាពរបស់ក្រុមឧទ្ទាមសេសសល់ ៕