ទីក្រុងប៉េកាំងបានសម្តែងក្តីសង្ឃឹមថា សហរដ្ឋអាមេរិកអាចមានជំនួបបន្ថែមទៀតឆាប់ៗ ខណៈឯកអគ្គរដ្ឋទូតអាមេរិកថ្មីលោកដេវីត ផេឌូ (David Perdue) បានចូលកាន់តំណែងកាលពីថ្ងៃព្រហស្បតិ៍សប្ដាហ៍នេះ។

លោកផេឌូអតីតសមាជិកព្រឹទ្ធសភាអាមេរិកមកពីគណបក្សសាធារណរដ្ឋសម្រាប់រដ្ឋចរចា(Georgia) និងជានាយកប្រតិបត្តិធុរកិច្ចជើងចាស់ត្រូវបានបញ្ជាក់ដោយព្រឹទ្ធសភាអាមេរិកជាឯកអគ្គរដ្ឋទូតប្រចាំប្រទេសចិនកាលពីខែមុន។លោកប្រធានាធិបតីអាមេរិក Donald Trump ដែលជាសម្ព័ន្ធមិត្តយូរអង្វែងរបស់លោកផេឌូ បានធ្វើពិធីស្បថចូលកាន់តំណែងនៅការិយាល័យOval នៅថ្ងៃទី ៧ ខែឧសភា ហើយបានប្រាប់លោកផេឌូ ឱ្យជំរាបសួរប្រធានាធិបតី Xi Jinping នៅពេលលោកទៅដល់ប្រទេសចិន។

លោក ផេឌូ បានប្រកាសពីការទៅដល់របស់លោកដែលរំពឹងទុកក្នុងទីក្រុងប៉េកាំងតាមរយៈប្រព័ន្ធផ្សព្វផ្សាយសង្គមកាលពីថ្ងៃព្រហស្បតិ៍។

លោកបានសរសេរនៅក្នុងសារបង្ហោះអមដោយការថតរូបសែលហ្វីនៅខាងក្រៅអគារស្ថានទូតថាលោកមានកិត្តិយសដែលតំណាងឲ្យលោកប្រធានាធិបតី Trump។

លោកត្រៀមខ្លួនជាស្រេចដើម្បីធ្វើការនៅទីនេះ ហើយធ្វើឲ្យអាមេរិកមានសុវត្ថិភាព រឹងមាំ និងរីកចម្រើនជាងមុន។

អ្នកនាំពាក្យក្រសួងការបរទេសចិន លោក Lin Jian បាននិយាយកាលពីថ្ងៃពុធថា ជំហររបស់ចិនចំពោះទំនាក់ទំនងចិន-អាមេរិកគឺស្របគ្នា។ យើងតែងតែមើល និងដោះស្រាយទំនាក់ទំនងចិន-អាមេរិក ក្រោមគោលការណ៍នៃការគោរពគ្នាទៅវិញទៅមក ការរួមរស់ដោយសន្តិភាព និងកិច្ចសហប្រតិបត្តិការឈ្នះ-ឈ្នះ ហើយក៏សង្ឃឹមថា សហរដ្ឋអាមេរិកអាចជួបចិនឲ្យបានឆាប់ៗផងដែរ ក្រោយភាគីទាំងពីរឈានដល់កិច្ចព្រមព្រៀងផ្អាកការដំឡើងពន្ធលើគ្នា៩០ថ្ងៃ៕