រដ្ឋាភិបាលប្រទេសជប៉ុន បាននិងកំពុងបង្កើតគំនិតយុទ្ធសាស្ត្រចរចារបស់ខ្លួនសម្រាប់កិច្ចចរចាជុំទីបីនៅទីក្រុងវ៉ាស៊ីនតោនសប្តាហ៍ក្រោយ ជុំវិញការដំឡើងពន្ធ។ ការផ្តោតសំខាន់គឺទៅលើការដំឡើងពន្ធនាំចូលរថយន្តដែលបានដាក់ដោយរដ្ឋបាលរបស់លោក Trump ដែលគំរាមកំហែងបណ្តាលឱ្យមានការខាតបង់ធំសម្រាប់ឧស្សាហកម្មរថយន្តរបស់ប្រទេសជប៉ុន។

ក្រុមការងារពន្ធគយរបស់ទីក្រុងតូក្យូ ដឹកនាំដោយរដ្ឋមន្ត្រីស្តារសេដ្ឋកិច្ចឡើងវិញ លោក Akazawa Ryosei និងរដ្ឋមន្ត្រីគណៈរដ្ឋមន្ត្រី លោក Hayashi Yoshimasa បានជួបប្រជុំគ្នា កាលពីថ្ងៃព្រហស្បតិ៍។ រដ្ឋមន្ត្រីទាំងពីរបានពិភាក្សាគ្នាអំពីបញ្ហាប្រឈមនានាដែលបានជួបប្រទះ និងរបៀបដោះស្រាយកិច្ចព្រមព្រៀង។

លោក Akazawa បាននិយាយទៅកាន់អ្នកសារព័ត៌មានបន្ទាប់ពីកិច្ចប្រជុំថា «ការផ្តោតសំខាន់របស់ខ្ញុំគឺទៅលើផលប្រយោជន៍ជាតិរបស់យើង ដើម្បីការពារអ្វីដែលចាំបាច់»។ «អាទិភាពគឺការសម្រេចបានកិច្ចព្រមព្រៀងជាមួយសហរដ្ឋអាមេរិក ដែលជារឿង ឈ្នះ-ឈ្នះ សម្រាប់ប្រទេសទាំងពីរ។

លោក បានបង្ហាញពីតម្រូវការក្នុងការពន្លឿនការចរចាដោយមានគោលដៅចុះកិច្ចព្រមព្រៀងនៅខែក្រោយ។ តាមសេចក្តីរាយការណ៍ រដ្ឋាភិបាលប្រទេសជប៉ុនចង់ឱ្យបញ្ហាការដំឡើងពន្ធ ត្រូវបានដោះស្រាយឲ្យទាន់ពេលវេលាសម្រាប់កិច្ចប្រជុំកំពូល G7 ដែលនឹងប្រព្រឹត្តទៅនៅប្រទេសកាណាដា នៅពាក់កណ្តាលខែមិថុនា ខាងមុខនេះ។