លោក Sebastian Gorka ឧបការីរងប្រធានាធិបតីអាមេរិក និងជានាយកជាន់ខ្ពស់ទទួលបន្ទុកប្រឆាំងភេរវកម្ម បាននិយាយថា រដ្ឋបាលសហរដ្ឋអាមេរិករំពឹងថា ជំនួបរវាងប្រធានាធិបតីអាមេរិក ដូណាល់ ត្រាំ (Donald Trump) និងសមភាគីរុស្ស៊ីលោក វ្ល៉ាឌីមៀ ពូទីន (Vladimir Putin) នឹងប្រព្រឹត្តទៅ ក្នុងពេល  ឆាប់ៗនេះ។

លោកបានថ្លែងប្រាប់សន្និសីទសន្តិសុខអន្តរជាតិ ដែលរៀបចំដោយសារព័ត៌មាន Politicoថា៖«កិច្ចព្រមព្រៀងទាំងអស់ គឺអំពីពេលវេលា។ នៅពេលដែលពេលវេលាត្រឹមត្រូវ នោះគឺជាពេលដែលប្រធានាធិបតី ស្ថិតនៅក្នុងបន្ទប់ជាមួយលោក ពូទីន ប៉ុន្តែការរំពឹងទុករបស់ខ្ញុំ គឺជិតមកដល់ហើយ»។ 

នៅពេលសួរថាតើលោកចង់បានន័យយ៉ាងណាតាមរយៈការរំពឹងទុកជិតមកដល់នេះ លោក Gorka បាននិយាយទៅកាន់សារព័ត៌មាននេះថា៖«នោះហើយ គឺជាអ្វីដែលអ្នកទទួលបាន។ ខ្ញុំមិនចូលចិត្តកាសែត Politicoនេះទេ។ អ្នកនឹងមិនបានអ្វីច្រើនពីខ្ញុំ ជាងពេលឆាប់ៗនេះទេ។

ដោយបានធ្វើការអត្ថាធិប្បាយលើថាតើលោក ត្រាំ គ្រោងនឹងចូលរួមកិច្ចចរចារុស្ស៊ី-អ៊ុយក្រែន នៅទីក្រុង    អ៊ីស្តង់ប៊ុលដែរឬទេ មន្ត្រីសេតវិមានរូបនេះ បានឆ្លើយតបថា «ទេ ពីព្រោះយើងចាំបាច់ត្រូវឲ្យភាគីទាំងអស់សម្រេចចិត្ត គឺគ្មានភាគីណាមួយ បាត់ខ្លួនដែរ ហើយក៏ពុំមានចំណុចណាមួយលើកឡើងពីវត្តមានរបស់លោក ត្រាំ ទេ។