នាព្រឹកថ្ងៃទី១៨ ខែឧសភា ឆ្នាំ២០២៥ សាស្ត្រាចារ្យតាក់តែងវិញ្ញាសា ចំនួន១៨រូប ដែល​មក​ពី​សាកល​វិទ្យាល័យផ្សេងៗ និងស្ថាប័នពាក់ព័ន្ធ បាននិងកំពុងដំណើរការការ​តាក់តែង​ វិញ្ញា​សា​សម្រាប់​ការ​ប្រឡង​ប្រជែង​ជ្រើស​រើសមន្ត្រីរាជការ ឱ្យចូល​បម្រើ​ការងារ​នៅ​អគ្គ​លេខា​ធិការដ្ឋាន​ក្រុម​ប្រឹក្សា​អ្នកច្បាប់ ក្នុង​ក្រប​ខណ្ឌទីស្តីការគណៈរដ្ឋមន្ត្រី (វិញ្ញាសាសរសេរលើកទី១) សម្រាប់​ប្រឡង​ប្រជែង​នា​ពេលរសៀល។

សាស្ត្រាចារ្យតាក់តែងវិញ្ញាសា ចំនួន១៨រូប ដែលមកពីសាកលវិទ្យាល័យផ្សេងៗ និង​ស្ថាប័ន​ពាក់​ព័ន្ធ កំពុងមានវត្តមាននៅក្នុងបន្ទប់តាក់តែងវិញ្ញាសា កំពុងរៀបចំ និងទទួលការណែនាំពី ឯក​ឧត្តម​ យក់ ប៊ុនណា រដ្ឋលេខាធិការប្រចាំការ និងជាអនុ​ប្រធាន​គណៈ​កម្មការ​រៀបចំ​ការ​ប្រឡង​ប្រជែង ពន្យល់បង្ហាញពីយន្តការការងារផ្សេងៗ ដែលបានកំណត់ក្នុងនិយាមនីតិប្រតិបត្តិ ស្តីពី​ការ​ប្រឡង​ប្រជែងជ្រើសរើសមន្ត្រីរាជការស៊ីវិល។