ឯកឧត្តម ចាយ បូរិន រដ្ឋមន្ត្រីក្រសួងធម្មការ និងសាសនា បានអញ្ជើញ​ជា​អធិបតី​បើក​ពិធី​សូត្រ​លើក​ទី៣២ និងសូធ្យចាំមាត់លើកទី៦គម្ពីរអាល់គួអានក្រោមប្រធានបទ ឥស្លាម និងបច្ចេកវិទ្យា នៅ​វិហារធំឥស្លាមជំនីក ស្ថិតនៅភូមិបន្ទាយ ឃុំជំនីក ស្រុកក្រូចឆ្មារ ខេត្តត្បូងឃ្មុំ ។

មានប្រសាសន៍ក្នុងឱកាសនោះឯកឧត្តម ចាយ បូរិន បានលើកឡើងថា ពិធី​សូត្រ​គម្ពី​រ​អាល​គួរ​អានុ​លការីមលើកទី៣២ និងសូធ្យចាំមាត់លើកទី៦ គឺជាសក្ខីភាព​បញ្ជាក់​ពី​យក​ចិត្ត​ទុក​ដាក់​ខ្ពស់​របស់​រាជ​រដ្ឋាភិបាលដែលមានសម្តេចធិបតី ហ៊ុន ម៉ាណែត ជាប្រមុខដឹកនាំដ៏ឈ្លៀសវៃ ប្រកប​ដោយ​គត្តិប​ណ្ឌិត បាននឹងកំពុងខិតខំយ៉ាងសកម្មបំផុត ក្នុងការរក្សាសុខសន្តិភាព ស្ថេរភាព សុវត្ថិភាព ការពង្រឹង និងពង្រីកខឿនសេដ្ឋកិច្ចជាតិ និងធ្វើឳ្យមានវឌ្ឍនៈភាពវប្បធម៌ ប្រពៃណី ក៏​ដូច​ជា​ការបង្ករបរិយាកាស យោគយល់ចុះសម្រុងគ្នា និងភាពសុខដុមរម្យនា រវាងសាសនិក នៃ​សាសនា​ទាំង​ឡាយនៅកម្ពុជាដើម្បីឈានទៅកាន់ការអភិវឌ្ឍន៍សង្គមជាតិ។

ឯកឧត្តមបន្តថា ក្រោមប្រធានបទនៅថ្ងៃនេះប្រជាជនកាន់សាសនាមូស្លីម រំពឹងថា និងប្រើ​ប្រាស់​បច្ចេក​វិទ្យា​សម្រាប់គោលបំណងល្អ និងមានប្រយោជន៍ ហើយជៀស​វាង​ការ​អនុវត្ត​ណាដែ​ល​នាំឲ្យ​ខូច​ប្រយោជន៍ ឬបំផ្លិចបំផ្លាញ ។ សាសានាឥស្លាមបានអនុញ្ញាតិឳ្យប្រើប្រាស់បច្ចេកវិទ្យា ដើម្បី​ប្រយោជន៍​ប្រចាំ​ថ្ងៃ តែការប្រើប្រាស់ដែលផ្ទុយពីការនែនាំរបស់សាសនា ដូចជាបញ្ហាអាសអាភាស បោក​បញ្ឆោត និងឧក្រិដ្ឋកម្មតាមអីនធើណែត គឺជាបញ្ហាប្រឈមធ្វើឳ្យខូចចរិយាមាយាទ និង​តម្លៃ​សិលធម៌​ប្រជាជនម៉ូស្លីម ។ អាស្រ័យហេតុនេះឥស្លាមសាសនា ត្រូវចូលរួមប្រយុទ្ធ​ប្រឆាំង​ការ​ប្រើប្រាស់បច្ចេកវិទ្យា ដែលខុសពីគោលការណ៍ឥស្លាមនូវគ្រប់ទម្រង់រូបភាពទាំងអស់ ។

បើតាមឯកឧត្តម យោប អះស្ការី រដ្ឋលេខាធិការ និងជា​អនុ​ប្រធាន​អចិន្ត្រៃយ៍​គណៈ​កម្មការ​សូធ្យ​គម្ពី​រអា​លគូរអានុលការីម ថ្នាក់ជាតិឆ្នាំ២០២៥ បានឳ្យដឹងថា គម្ពីអាលកួអាន ជាប្រភពដ៏ចម្បង ដែល​បាន​ដោះស្រាយនូវគ្រប់បញ្ហា នៃការរស់នៅរបស់មនុស្សជាតិ នៅក្នុងលោកីយ៍ និងបរលោក មាន​វិសាលភាពទៅលើគោលជំនឿ ធម៌វិន័យ ក្បួនច្បាប់ អត្តចរិក សីលធម៌ សុជីវធម៌ ទំនៀម​ទម្លាប់​ប្រពៃណី មុខរបរ និងសេដ្ឋកិច្ចជាដើម ។ ការគម្ពីរនៅថ្ងៃនេះ គឺជាផ្នែក​មួយ​នៃ​ការ​ថែ​រក្សា​នូវ​ប្រពៃណី​វប្បធម៌ និងផ្តល់ចំនេះដឹង ផ្នែកធម៌វិន័យសាសនាឥស្លាម ទាក់ទិនទៅនឹង​ការ​ប្រើ​ប្រាស់​បច្ចេក​វិទ្យា ដើម្បីជាមធ្យោបាយក្នុងការអនុវត្ត និងបង្ហាញពី​តម្លៃ​ឥស្លាម​ក្នុង​ការ​រស់​នៅក្នុ​ង​សម័យ​ទំនើប ដែលទាមទារឳ្យយើងឈ្វេងយល់ និងសិក្សាបន្តទៅមុខទៀត ។

 សូមជម្រាបថា ពិធីសូធ្យគម្ពីរអាលគួអាន លើកទី៣២ និងប្រឡងចាំមាត់លើកទី៦ មាន​ការ​ចូល​រួម​ពី​បេក្ខជន បេក្ខនារី ជាការី ការីអះ ចំនួន ៣៥ នាក់ ស្ត្រី ១៥ នាក់ និងបេក្ខជន​បេក្ខនារី​សូធ្យ​ចាំ​មា​ត់ ចំនួន៩ រូប ស្ត្រី ២រូប តំណាងមកពីរាជធានី ខេត្ត ទូទាំងប្រទេស៕ អត្ថបទ៖ ជឹង សេងឡុង