កងកម្លាំងអ៊ីស្រាអែល បានវាយកម្ទេចផ្ទះរបស់ប្រជាជនប៉ាឡេស្ទីនជិត ៦០០ខ្នង នៅក្នុងជំរំជនភៀសខ្លួន Jenin។ នេះបើយោងតាមសាលាក្រុង ដែលអ៊ីស្រាអែលបានធ្វើប្រតិបត្តិការយោធាអស់រយៈពេល ១១៨ ថ្ងៃកន្លងទៅនេះ។

កាលពីថ្ងៃអាទិត្យ កងកម្លាំងបានបង្កើនប្រតិបត្តិការបូមខ្សាច់ និងការបំផ្លិចបំផ្លាញ នៅក្នុងជំរំជនភៀសខ្លួន Jenin ដែលបានបណ្តាលឲ្យខូចខាតយ៉ាងដំណំដល់ហេដ្ឋារចនាសម្ព័ន្ធទឹក និងអគ្គិសនី និងផ្លូវសំខាន់ៗ ខណៈដែលនៅតែបន្តបិទផ្លូវ ចូលទៅកាន់តំបន់នោះ។

សាលាក្រុង Jenin បានកត់ត្រាការបំផ្លិចបំផ្លាញសរុបនៃផ្ទះចំនួន ៦០០ខ្នង នៅក្នុងជំរំនេះ ខណៈដែលផ្ទះផ្សេងទៀត ត្រូវបានខូចខាតដោយផ្នែកៗ ឬត្រូវបានបោះបង់ចោលដោយអ្នកស្រុក ចាប់តាំងពីអ៊ីស្រាអែលបានចាប់ផ្តើមការវាយលុកទ្រង់ទ្រងធំមួយ នៅក្នុងខែមករា។

ទីភ្នាក់ងារសារព័ត៌មាន Wafa បានរាយការណ៍ថា សង្កាត់ Al-Sharqi និង Al-Hadaf បានរងការខូចខាតយ៉ាងធ្ងន់ធ្ងរបំផុត ដល់ហាងលក់ទំនិញ ផ្ទះសម្បែង និងហេដ្ឋារចនាសម្ព័ន្ធ។

កាលពីថ្ងៃអាទិត្យផងដែរ កងកម្លាំងអ៊ីស្រាអែល បានចាប់ខ្លួនអ្នកស្រី Yasmeen Shaaban នៅផ្ទះរបស់ខ្លួន នៅក្នុងភូមិ Al-Jalameh ភាគខាងជើងនៃទីក្រុង Jenin ។ អ្នកស្រី Shaaban ដែលបានជាប់ពន្ធនា   គាររយៈពល ២១ខែ ត្រូវបានដោះលែង នៅក្នុងខែវិច្ឆិកា ឆ្នាំ ២០២៣ ក្នុងអំឡុងពេលបទឈប់បាញ់បណ្តោះអាសន្នដំបូង និងការរៀបចំការដោះដូរចំណាប់ថ្នូរ រវាងអ៊ីស្រាអែល និងក្រុមហាម៉ាស។